ІНГРЭДЫЕНТЫ
150 г жоўтага гароху (палоўкі)
400 г квашанай капусты з морквай
3 сталовыя лыжкі алею
1 цыбуля
1 лаўровы ліст, 1 духмяны перац, 2 чайныя лыжкі кмену, соль і перац
Напярэдадні вечарам гарох заліце літрам халоднай вады і пакіньце на ноч. На наступны дзень дайце яго ў рондаль, пры неабходнасці дадайце яшчэ вады, каб цалкам закрыць гарох, і давядзіце да кіпення.
Збярыце пену, перамяшайце і зноў давядзіце да кіпення. Пры неабходнасці пасаліце, накрыйце крышкай і варыце каля 30 хвілін або да гатовасці, перыядычна памешваючы. Адкрыйце рондаль і дайце вадзе выпарыцца. Гарох можа быць вельмі мяккім.
Капусту дробна нарэжце і пры неабходнасці прамыйце, калі яна вельмі кіслая. У рондаль дадайце невялікую колькасць вады, накрыйце крышкай і варыце да мяккасці каля 20 хвілін. 2-3 разы перамяшайце і пры неабходнасці дадайце вады. У канцы рэшта вады павінна выпарыцца.
На вялікую патэльню наліце алей, дадайце нарэзаную цыбулю, лаўровы ліст, перац і кмен. Смажце каля 5 хвілін, перыядычна памешваючы. Дадайце капусту і смажце каля 10 хвілін. Запраўце молатым перцам. Дадайце гарох, перамяшайце і яшчэ смажце каля 5 хвілін.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл