1,5 кг бульбы
0,5 кг сала альбо бекону
4 цыбуліны
1/4 шклянкі смятаны
соль і перац
1 галоўка капусты
1 л соку квашанай капусты
Бульбу старанна вымыць і адварыць у мундзірах. Калі яна астыне, акуратна ачысціць і растаўчы.
Бекон нарэзаць кубікамі і абсмажыць на невялікім агні. Потым дадаць нарэзаную цыбулю і смажыць да лёгка залацістага колеру.
Да бульбы дадаць смажаны бекон разам з тлушчам і цыбуляй ды смятану. Заправіць соллю і перцам. Усё старанна перамяшаць.
Выдаліць з капусты верхняе лісце і выразаць сярэдзіну. Заліць галоўку кіпнем, каб лісце стала мяккім. Акуратна выразаць лісты з капусты.
На кожны ліст выкласці бульбяную начынку і старанна закруціць. Гатовыя галубцы пералажыць у вялікі рондаль. Пасля гэтага заліць галубцы сокам з квашанай капусты і паставіць у халадзільнік на двое сутак. Дзякуючы гэтаму капуснае лісце набудзе смак квашанай капусты.
Праз двое сутак дастаць галубцы з халадзільніка і пералажыць у форму для запякання. Выпякаць у разагрэтай да 180°С духоўцы да румянай скарыначкі. Час ад часу можна паліць капусным сокам.
Пасля таго, як галубцы падрумяняцца зверху, трэба іх перавярнуць і працягваць запякаць з другога боку.
Падаваць страву з кіслым малаком або смятанай. Аднак найсмачнейшыя – са скваркамі.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл