У сувязі з заявай урада аб продажу г.зв. экстранай кантрацэпцыі для жанчын ва ўзросце ад 15 гадоў без рэцэпту (і малодшым па рэцэпце), экспертная група Канферэнцыі эпіскапату Польшчы па біяэтыцы апублікавала пазіцыю, у якой выказвае сур'ёзныя заўвагі адносна такога кроку. Яны тычацца як выключна медыцынскіх, так і этычных пытанняў.
Прэс-сакратар Канферэнцыі епіскапату Польшчы ксёндз Лешэк Гэнсяк падкрэсліў, што экспертная група перасцерагае, што экстраная кантрацэпцыя з’яўляецца амаральнай і шкоднай:
-Экспертная група перасцерагае, што ўжыванне такіх таблетак з этычнага пункту гледжання з’яўляецца немаральным, паколькі ўтрымлівае згоду на знішчэнне жыцця канкрэтнага чалавека. Асаблівую заклапочанасць і нязгоду ў групы выклікае даступнасць прэпарату для непаўнагадовых, гарманальная сістэма якіх яшчэ не цалкам сфармавалася. Група таксама падкрэслівае патэнцыйную шкоднасць прэпарату для здароўя жанчын.
У падрыхтаваным дакуменце разглядаецца дзеянне двух лекаў. Эксперты Канферэнцыі епіскапату Польшчы падкрэсліваюць, што з этычнага пункту гледжання прыём такой кантрацэпцыі – гэта аборт, бо вядзе да наўмыснага забойства ўжо існуючага чалавечага арганізму.
У Палажэнні сцвярджаецца, што ўжыванне таблетак на наступны дзень спрыяе стаўленню да цяжарнасці як да праблемы, з якой неабходна змагацца ўсімі сродкамі, у тым ліку і абортамі. З дакументам можна азнаёміцца на сайце episkopat.pl.
ав