Інгрэдыенты
1/2 шклянкі мукі
1/2 шклянкі малака
1 яйка
дробка солі
1 пачак ванільнага цукру
1/2 чайнай лыжкі разрыхляльніка
2 яблыкі
карыца
топленае масла для смажання
Спосаб прыгатавання
Высыпце муку ў міску, дадайце малако, яйка, соль, палову пачкі ванільнага цукру і разрыхляльнік. Перамяшайце венчыкам або блэндарам на аднародную масу.
Памыйце і ачысціце яблыкі. Выражце сярэдзіну з дапамогай адмысловых нажніцаў або вострага нажа, але каб яблык застаўся цэлым. Нарэжце яблыкі скрылікамі таўшчынёй каля 7 мм, каб дзірка ад сарцавіны былі пасярод скрыліка. Пасыпце карыцай і ванільным цукрам.
Разагрэйце патэльню, дадайце дзве сталовыя лыжкі топленага масла і, калі яно нагрэецца, палажыце яблыкі, папярэдне акунутыя ў цеста.
Смажце да залацістага колеру з абодвух бакоў, прыкладна па 3 хвіліны з кожнага боку. Пералажыце на талерку і падавайце з цукровай пудрай, натуральным ёгуртам, мёдам, карыцай, марожаным і г.д.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
відэа: адзін з варыянтаў дэсерту
слухайце аўдыёфайл