Інгрэдыенты
600 г свіной карэйкі
малако (для замочвання мяса)
Для паніроўкі
2 сталовыя лыжкі пшанічнай мукі
2 яйкі
5 сталовых лыжак паніровачных сухароў
Для смажання
6 сталовых лыжак тлушчу, алею альбо топленага масла
соль і молаты чорны перац па смаку
Спосаб прыгатавання
Нарэжце мяса на кавалкі кожны таўшчынёй каля 1,5 см. Акуратна адбіце іх з двух бакоў кухонным малатком. Пасаліце і паперчыце.
Пакладзіце мяса ў глыбокую міску і заліце малаком. Пакіньце на 1–2 гадзіны (можна і на ноч у халадзільніку) – гэта зробіць мяса больш далікатным.
Дастаньце мяса з малака, абсушыце. Абкачайце спачатку ў муцэ, потым – ва ўзбітых яйках, і ў канцы – у сухарах.
Разагрэйце тлушч на патэльні. Абсмажце катлеты на сярэднім агні па 3–4 хвіліны з кожнага боку, пакуль не стануць залацістымі і хрумсткімі.
Смачна есці!
Падрабязней пра тое, як прыгатаваць страву, раскажуць Кацярына Адамская і Валеры Саўко.
слухайце аўдыёфайл
відэа: адзін з варыянтаў адбіўной