Падчас вясновай сесіі Сабор епіскапаў Польскай аўтакефальнай праваслаўнай царквы зацвердзіў новых святых.
Гэта, найперш, святары Польскага войска ІІ РП, у тым ліку палкоўнік Шымон Федаронька, маёр Віктар Раманоўскі і маёр Уладзімір Охаб, а таксама іншыя неназваныя ахвяры катыньскага злачынства.
Kатынскія мучанікі былі захоплены саветамі ў верасні 1939 года разам з салдатамі. Яны былі зняволены ў лагерах у Казельску, Асташкаве і Старабельску, дзе служылі набажэнствы для ваеннапалонных. У 1940 годзе іх забілі ў Катыні, Цверы, Харкаве і іншых месцах СССР.
«Кананізацыя ў Праваслаўнай царкве ў Польшчы не бывае надта часта. Катыньскія мучанікі прайшлі сталінскія рэпрэсіі, арышты, якія праходзілі пасля ўваходу савецкай арміі ў 1939 годзе ў Польшчу. У той час арыштоўвалі прадстаўнікоў інтэлігенцыі, настаўнікаў, чыноўнікаў і таксама святароў. Святары служылі ў Польскім войску і атрымалі смерць так як салдаты», - расказаў праваслаўны святар Андрэй Кузьма з Беластока.
Падрыхтавала Анна Пятроўская