Беларуская Служба

З Польшчы дэпартуюць беларуса за здзяйсненне ДТЗ і нелегальнае знаходжанне ў краіне

04.10.2025 08:01
Грамадзянін Беларусі быў затрыманы паліцыяй падчас здзяйснення аварыі.
       .
Грамадзянін Беларусі быў затрыманы паліцыяй падчас здзяйснення аварыі.Крыніца: Павятовае аддзяленне паліцыі горада Пабяніцы

Супрацоўнікі паліцыі горада Пабяніцы, які размешчаны каля Лодзі ў цэнтральнай Польшчы, затрымалі 40-гадовага мужчыну, які кіраваў транспартным сродкам без правоў і здзейсніў дарожна-транспартнае здарэнне. Парушальнік аказаўся грамадзянінам Беларусі. Ён быў дастаўлены ў суд. Грамадзянін Беларусі цяпер знаходзіцца ў цэнтры для замежнікаў у Лодзі, паведаміла паліцыя горада Пабяніцы.

Вечарам супрацоўнікі паліцыі атрымалі паведамленне пра сутыкненне двух аўтамабіляў каля Пабяніцаў. У ДТЗ удзельнічалі 35-гадовая жанчына за рулём аўтамабіля Peugeot і беларус, які кіраваў машынай маркі Opel.

Паводле слоў відавочцаў, мужчына ехаў па шашы ў напрамку Пабяніцаў. У пэўны момант ён выехаў на паласу сустрэчнага руху і сутыкнуўся з аўтамабілем, якім кіравала жанчына. Абодва кіроўцы былі цвярозыя.

Пасля праверкі даных кіроўцаў у сістэме было ўстаноўлена, што грамадзянін Беларусі не мае вадзіцельскага пасведчання і знаходзіцца ў Польшчы нелегальна. Мужчыну даставілі ў суд.

Пабяніцкі суд аштрафаваў беларуса за парушэнне ПДР і забараніў кіраваць транспартнымі сродкамі. Супрацоўнікі паліцыі таксама пачалі супраць яго працэдуру дэпартацыі. Начальнік пабяніцкай паліцыі падаў адпаведны запыт у Памежную службу. Згодна з дзеючым заканадаўствам, польскія памежнікі прымуць далейшыя меры адносна дэпартацыі грамадзяніна Беларусі.

вс