Польшчы расце колькасць «вязняў чацвёртага паверха»

Улічваючы дынаміку старэння польскага насельніцтва, колькасць такіх людзей будзе павялічвацца.

Здымак мае ілюстрацыйны характар.

Admiral_Lebioda/pixabay.com/CC0 Public Domain

У Польшчы можа быць да 1 мільёна гэтак званых вязняў чацвёртага паверха, то бок адзінокіх, пажылых людзей, якім усё цяжэй схадзіць у краму, да лекара, вырашаць афіцыйныя справы ці проста працягваць міжчалавечыя зносіны.

Згаданая праблема асабліва балючая ў меншых, раённых гарадах, дзе дамінуюць чатырохпавярховыя шматкватэрныя дамы, без ліфтаў, у якіх – на верхніх паверхах – часта жывуць адзінокія старэйшыя людзі, нагадвае Dziennik Gazeta Prawna.

Osoby starsze często pozostają w domach albo na łóżkach szpitalnych. Ich głos jest cichy, a rodziny, jeśli są, najczęściej pracują i mieszkają daleko. To do nas należy zadanie budowania dla nich całego systemu wsparcia. #NIGRiR#IKonferencjiPielęgniarstwaGeriatrycznego pic.twitter.com/dhy4iaufdE

— Marzena Okła-Drewnowicz (@OklaDrewnowicz) October 3, 2025

Улады прапануюць увесці гэтак званую арэнду жылля для пажылых людзей, якія жывуць у памяшканнях, што абмяжоўваюць іх незалежнасць. Згодна з праектам, дамова будзе заключана з муніцыпалітэтам і дазволіць пенсіянерам пераехаць у кватэру без архітэктурных бар'ераў. У гэтым часе, яны часова перададуць свае кватэры мясцовым органам улады, якія змогуць іх арандаваць. Калі пажылы чалавек вырашыць больш не здымаць кватэры ў муніцыпалітэта, то яго ўласная кватэра будзе яму вернутая.

У інтэрвʼю газеце дзяржсакратар з Канцылярыі прэмʼера і міністр па пытаннях палітыкі ў адносінах да пажылых людзей Мажэна Окла-Дрэўновіч (Marzena Okła-Drewnowicz) адзначыла, што той факт, што ў Польшчы ёсць «вязні чацвёртага паверха», агульнавядомы, а ўлічваючы дынаміку старэння насельніцтва, колькасць такіх людзей будзе павялічвацца.

«Аднак, калі мы пачалі шукаць канкрэтныя дадзеныя, яны аказаліся недаступнымі. Таму мы скарысталіся міжнародным даследаваннем: «Апытанне здароўя, старэння і выхаду на пенсію» (SHARE). Паводле яго, у Польшчы можа быць да 1 мільёна такіх асобаў. Між тым, «чацвёрты паверх» – гэты ўмоўны тэрмін, бо мы таксама маем на ўвазе ніжэйшыя паверхі ў будынках без ліфтаў. Такім чынам, маштаб зʼявы вялікі і пастаянна расце», – адзначыла палітык.

Іншая праблема, хоць 60% пажылых людзей валодаюць сваім жыллём, то 80% з іх не зацікаўленыя зменай кватэры.

«Між тым, сітуацыя асобаў, якія жылі на трэціх ці чацвёртых паверхах будынкаў некалькі дзясяткаў ці нават больш за дзесяць гадоў таму, была іншай, чым сёння. Тады яны мелі вакол сябе дзяцей. Цяпер, асабліва ў раённых гарадах, дзе пераважаюць чатырохпавярховыя шматкватэрныя дамы, адзінокія людзі часта жывуць на верхніх паверхах у двух- ці трохпакаёвых кватэрах, у якіх раней яны жылі са сваімі семʼямі», – адзначыла міністр. Цяпер гэтым людзям каля 80-ці гадоў, а іхным дзецям, якія ў 1990-х гадах мігравалі ў буйныя гарады на працу, па пяцьдзясят.

«Я была здзіўлена, колькі людзей падчас аднаго з вулічных апытанняў сказалі: «Сёння я добра спраўляюся, але не ведаю, якой будзе будучыня(…) Нават, калі 80% не скарыстаюцца гэтым рашэннем, то гэтыя 20%, якія скарыстаюцца – гэта ж тысячы людзей. Чаму б не даць ім гэтую магчымасць?» – канстатуе ў размове з выданнем Dziennik Gazeta Prawna міністр па пытаннях палітыкі ў адносінах да пажылых людзей Мажэна Окла-Дрэўновіч.

аз