У мінулым годзе палякі заключылі амаль 70 тысяч шлюбных кантрактаў, што на 35 працэнтаў больш, чым дзесяць гадоў таму. У большасці выпадкаў гэта тычыцца падзелу маёмасці, і пра гэта ўсё часцей дамаўляюцца да шлюбу, піша газета.
— Заключэнне такога пагаднення да вяселля можа здацца нерамантычным, але з пункту гледжання празрыстасці ў маёмасных адносінах гэта лепшае рашэнне, чым увядзенне падзелу маёмасці праз гады. Тады сітуацыя становіцца больш складанай, — падкрэслівае ў інтэрв'ю «Rzeczpospolita» натарыус Пётр Марквардт.
Ён прызнае, што, хоць розніца ў даходах паміж будучымі мужам і жонкай з'яўляецца распаўсюджанай прычынай падпісання дашлюбных кантрактаў, тыя, хто толькі пачынае зарабляць, таксама ўсё часцей падпісваюць шлюбны дагавор.
Аднак эксперты адзначаюць, што падзел маёмасці можа быць і пасткай, асабліва калі хтосьці думае, што гэта дазваляе яму пазбегнуць даўгоў, падкрэслівае «Rzeczpospolita».
яс