Узброеныя сілы Польшчы рыхтуюць найбуйнейшае за апошнія дзесяцігоддзі візуальнае і тэхналагічнае абнаўленне формы. Намеснік прэм’ер-міністра і міністр нацыянальнай абароны Польшчы Уладзіслаў Касіняк-Камыш паведаміў пра прэзентацыю цалкам новага палявога мундзіра і інавацыйнага камуфляжнага малюнка, паведамляе forsal.pl.
Прэзентацыя адбудзецца ў Цеханаве з удзелам кіраўніцтва Міністэрства нацыянальнай абароны і каманднага складу польскай арміі. Цяперашні палявы мундзір выкарыстоўваецца ўжо 33 гады.
— 33 гады прайшло з моманту ўвядзення ў Войску Польскім цяперашняга ўзору палявога мундзіра. Заўтра ў Цеханаве мы прадставім новы ўзор і новы тып камуфляжнага малюнка. Самы час для змен! Заўтра прэм’ера і поўная прэзентацыя, — напісаў Касіняк-Камыш.
Новы мундзір павінен замяніць форму, якая выкарыстоўваецца яшчэ з пачатку 1990-х гадоў. Яго з’яўленне стане адной з найбольш прыкметных зменаў у знешнім выглядзе польскіх вайскоўцаў за апошнія дзесяцігоддзі.
эж