Галоўны рэдактар газеты «Веснік Нафтана» паведаміў, што ад тэхпадтрымкі карпарацыі Google яны атрымалі паведамленне, што канал заблакаваны без магчымасці аднаўлення ў адпаведнасці з правіламі ў дачыненні абмежавання экспарту і ўжывання санкцый. Такім чынам, канал газеты нафтаперапрацоўчага завода быў выдалены, таму што прадпрыемства трапіла пад санкцыі, накладзеныя пасля мінулых прэзідэнцкіх выбараў.
Газета ААТ «Нафтан» стварыла новы відэаканал, але не на якім-небудзь аналагічным расійскім сэрвісе, а зноў на амерыканскім YouTube, дзе захоўваецца магчымасць яго паўторнага выдалення. Пакуль на гэтым канале толькі 37 падпісантаў.
Для Беларускай службы Польскага радыё Святаслаў Бруйко, Віцебск