гароднінны булён – 1 л
молаты мускатны арэх – 0,5 чайнай лыжкі
свежы кроп – 25 г
корань пятрушкі – 2 шт.
лаўровы ліст – 3 шт.
морква – 2 шт.
масла сметанковае – 1 сталовая лыжка
алей – 1 сталовая лыжка
смятана 18% – 1 сталовая лыжка
духмяны перац – 7 гарошынак
бульба – 500 г
вяршкі 30% – 100 мл
сок квашанай капусты – 200 мл
соль, кмен і чорны перац па смаку
Моркву, пятрушку і бульбу наразаем кубікамі, а затым абсмажваем у рондалі на разагрэтым алеі з маслам.
Да гародніны дадаем мускатны арэх і кмен. Перамешваем і смажым каля 15 хвілін. Дадаем лаўровыя лісты і духмяны перац ды зноў крыху смажым.
Абсмажаную гародніну заліваем булёнам, солім і перчым. Варым на малым агні каля 10 хвілін.
Вяршкі заліваем лыжкай супу і размешваем, каб яны не згарнуліся. Затым уліваем у рондаль і замешваем.
Сок квашанай капусты дадаем паступова, спрабуючы суп на смак. Калі хочацца больш кіслага смаку, то дадаем больш соку.
Дадаем нарэзаны кроп (разам са сцёбламі) і яшчэ трохі варым. Прыпраўляем соллю і перцам.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл