Гэта было ўстаноўлена экалагічнай арганізацыяй Greenpeace падчас шматмесячнага расследавання, справаздача аб якім была апублікавана ў верасні. Дакумент раскрывае сувязь IKEA з працяглым знішчэннем лясоў у румынскіх Карпатах, у раёнах, дзе плануецца стварэнне запаведнікаў.
Год таму Greenpeace правёў сваё першае падрабязнае расследаванне і прадставіў IKEA доказы таго, што субпадрадчыкі IKEA ў Румыніі прычыняюцца да разбурэння ў раёнах, куды строга забаронена ўваходзіць з піламі. Кампанія адказала, што яе дзейнасць законная.
У гэтым годзе Greenpeace правёў яшчэ адно расследаванне. Яно выявіла, што сітуацыя яшчэ горшая, чым раней. Былі знойдзены ўчасткі, дзе былі высечаны дрэвы значна старэйшыя за тыя, што былі выяўлены год таму. Тады Greenpeace выявіў 120-гадовыя дрэвы, якія высякаліся ў натуральных лясах. Цяпер ён задакументаваў высечку дрэў амаль 200-гадовых.
Марцэль Андзіна Вэлез з польскага аддзялення Greenpeace гаворыць, што вырубаюцца пераважна букі і піхты, дрэвы якія з’яўляюцца натуральным гатункам для карпацкіх лясоў, якія пакрываюць Карпаты і з’яўляюцца месцам пражывання рэдкіх гатункаў жывёлы.
- Сярод іх найбольш характэрныя карпацкія жывёлы: мядзведзі і рысі. Гэтыя дрэвы ствараюць экасістэму, якую немагчыма аднавіць. Мы ж наўпрост кажам, што гэта асабліва каштоўныя прыродныя лясы, бо іх высечка і пасадка там камерцыйных лясоў не адновяць гэтую экасістэму, а калі і адновяць, то гэта зойме 200 гадоў, чаго, на маю думку, мы ўсе не вельмі хочам.
Год таму і цяпер IKEA растлумачыла сваю пазіцыю тым, што выкарыстоўвае добраахвотную сістэму сертыфікацыі FSC (Forest Stewardship Council). Расследаванне Greenpeace выразна паказвае, што на практыцы гэтая сістэма не забяспечвае рэальнай абароны каштоўных лясоў.
- Праблема з сертыфікатам заключаецца ў тым, што інфармацыя і дадзеныя апошні раз кампаніяй Forest абнаўляліся ў 2017 годзе. То бок апошні раз інвентарызацыя карпацкіх лясоў праводзілася дзевяць гадоў таму. Сваім расследаваннем мы паказваем, што такая кампанія, як IKEA, не можа спадзявацца выключна на камерцыйна даступны сертыфікат, у верагоднасці якога мы сумняваемся. Мы паказваем, што гэтага недастаткова, што гэты сертыфікат не абараняе гэтыя каштоўныя лясы. Што там высякаюцца гэтыя вялікія дрэвы, мы паказваем дрэвы, якія былі высечаны ў раёнах, сертыфікаваных гэтым сертыфікатам дзевяцігадовай даўніны. Мы не ведаем, ці было гэта зроблена належным чынам, ці было гэта зроблена добрасумленна, ці гэта было зроблена несумленна. Нам цяжка гэта адсачыць, – гаворыць Марцэль Андзіна Вэлез.
На думку Greenpeace, IKEA – выключны брэнд і ён можа рабіць лепш. Яна не мусіць прадаваць крэслы, якія вырабляюцца ў выніку знішчэння такіх лясоў. Greenpeace заклікае IKEA сапраўды выканаць свае абяцанні, каб яе кліенты маглі цалкам давяраць «зялёным» дэкларацыям кампаніі.
- IKEA замест таго, каб зразумець, праверыць тое, што мы кажам, рэагуе аднолькава. Там кажуць тое ж самае: тое, што мы робім у румынскіх Карпатах, законна, і больш за тое, у нас ёсць сертыфікат Forest Stewardship Council, і гэта канец гісторыі. На нашу думку, гэтага недастаткова, таму што гэта кампанія, брэнд, які так шмат распавядае сваім кліентам пра свой клопат пра навакольнае асяроддзе і клімат, пра тое, як яна імкнецца мінімізаваць свой уплыў на лясы і прыроду, наколькі старанна яна адбірае сыравіну. Калі кампанія кажа, што нешта законна, то гэтага мала, таму што мы верым, што гэта кампанія, якая робіць больш.
У дадзены момант збіраюцца подпісы пад зваротам да кіраўніцтва кампаніі. Кожны, хто клапоціцца пра выкананне IKEA сваіх праэкалагічных абяцанняў, можа падпісаць зварот на greenpeace.pl/ikea. Greenpeace падкрэслівае, што справа тэрміновая. IKEA павінна дзейнічаць зараз, каб спыніць лесапільні да пачатку лесанарыхтоўчага сезона ў Карпатах.
ав
слухайце аўдыё