Міністэрства аховы здароўя Польшчы паведаміла пра 23975 новых выпадкаў заражэння каранавірусам Sars-Cov-2, выяўленых за апошнія суткі. Ад гэтай хваробы памерлі 637 пацыентаў.
Прэсавы сакратар галоўнага санітарнага інспектара Польшчы Ян Бондар заявіў, што павелічэнне колькасці смяротных сыходаў хваробы выклікае вялікі непакой:
-У бліжэйшыя дні варта спадзявацца такой вялікай колькасці смерцяў пацыентаў з Covid-19. Гэта звязана з тым, што 2-3 тыдні таму мы знаходзіліся на піку эпідэміі.
Агулам з пачатку эпідэміі ў Польшчы было пацверджана амаль 800 тысяч заражэнняў, ад Covid-19 памерла больш за 12 тысяч жыхароў Польшчы.
iar/эж