На пенсію выйшла першая ў гісторыі жанчына-пілот польскай авіякампаніі LOT Адэлайда Шажэц-Трагаж. Яна была першай жанчынай-пілотам у Еўропе, якая стала капітанам дальнемагістральнага шырокафюзеляжнага лайнера Boeinga 787 Dreamliner. Апошні рэйс капітан Адэлайда Шажэц-Трагаж выканала на трасе Сеул – Варшава.
Кар’еру ў авіяцыі жанчына пачала ў аэраклубе горада Бельска-Бяла, дзе лётала на планёрах. Пасля школы паступіла ў палітэхнічны ўніверсітэт польскага гораду Жэшаў, стаўшы першай жанчынай на факультэце «пілатаванне паветраных суднаў». У сваю чаргу ў 1981 годзе стала першай жанчынай-пілотам у польскай авіякампаніі LOT.
У авіякампаніі спачатку пілатавала рэгіянальныя Ан-24. Пазней былі сярэднемагістральныя Ту-154М і Boeing 737, дальнемагістральны Boeing 767 і ў канцы – Boeinga 787 Dreamliner. На двух апошніх самалётах Адэлайда Шажэц-Трагаж лётала ў якасці капітана паветранага судна ў Сеул, Токіё, Сінгапур, Пекін, Нью-Ёрк, Чыкага, Маямі, Лос-Анджэлес, Каломба і іншыя далёкія трасы.
Агулам спадарыня капітан правяла ў паветры амаль 20 тыс. гадзін, у тым ліку ў якасці камандзіра паветранага судна – 16 тыс. 500 гадзін.
вс