З канца лютага ўрад Даніі плануе паступова ўводзіць лічбавыя каранапашпарты, якія пацвердзяць прыняцце вакцыны супраць COVID-19. Першапачаткова сістэма павінна дапамагчы бізнесу ў здзяйсненні камандзіровак.
„Самае галоўнае - спыніць распаўсюджванне каранавіруса, але ёсць сектары эканомікі, якія павінны развівацца, а бізнесмены павінны мець магчымасць падарожнічаць”, - заявіў выканаўца абавязкаў міністра фінансаў Мортэн Бодскaў на прэс-канферэнцыі з прадстаўнікамі працадаўцаў.
Паводле прадстаўніка ўрада Даніі, дадзеныя аб вакцынацыі першапачаткова будуць даступныя на сайце sundhed.dk, а затым будзе распрацаваная „поўная тэхналагічная сістэма”. Адмысловае прыкладанне ў тэлефоне дазволіць праверыць, калі згаданая асоба была прывітая.
„Мы можам стаць адной з першых краін у свеце, якія ўвядуць такое рашэнне”, - падкрэсліў палітык.
У будучыні „каранавірусны пашпарт” можа дазволіць, напрыклад, на ўдзел дадзенай асобы ў розных мерапрыемствах.
аз