У пятніцу, 14 жніўня, беспілотнікі атакавалі расійскі порт Усць-Луга на ўзбярэжжы Балтыйскага мора. Гэта адзін з ключавых пунктаў экспарту расійскай нафты і нафтапрадуктаў. Пасля ўдару на тэрыторыі порта ўзнік пажар. Як паведаміў у Telegram губернатар Ленінградскай вобласці Аляксандр Драздзенка, у рэгіёне ўсяго было збіта 54 беспілотнікі.
Усць-Луга мае важнае значэнне для расійскай эканомікі: праз порт Расія пастаўляе за мяжу, у прыватнасці, нафту і паліва. Атака стала часткай шырэйшай украінскай стратэгіі, накіраванай супраць расійскага энергетычнага сектара і экспартнай інфраструктуры.
У апошні час Украіна атакавала больш за 12 буйных расійскіх нафтаперапрацоўчых заводаў, некаторыя з іх — неаднаразова. Паводле Reuters, гэта прывяло да сур’ёзных праблем з даступнасцю паліва ў Расіі.
У тую ж ноч беспілотнікі набліжаліся і да Масквы. Мэр расійскай сталіцы Сяргей Сабянін заявіў, што расійская СПА збіла больш за 12 апаратаў. У Маскве працуе буйны нафтаперапрацоўчы завод.
pap/эж