Новыя рэсурсы выяўлены ў радовішчы Дугал, якое знаходзіцца прыкладна ў 1,5 км на поўдзень ад Джына-Крог. Даследчая свідравіна рыхтуецца да здабычы, пачатак якой запланаваны на 2023 год. Аб'ём газу ў радовішчы ацэньваецца ў 0,8-2,6 млн кубаметраў у нафтавым эквіваленце, газ будзе накіроўвацца на здабыўную платформу Gina Krog, – піша партал energetуka24.com.
Паводле энергетычнага канцэрну Orlen, з улікам адкрыцця на Дугале меркаваныя запасы Джына-Крог, якія застаюцца для здабычы, складаюць 13 мільёнаў барэляў нафтавага эквіваленту. На радовішчы Джына-Крог здабыта 17 млн куб. газу.
Аператарам Джына-Крог зʼяўляецца Equinor Energy, якая валодае 58,7%. акцый. Астатнія належаць KUFPEC Norway – 30% і PGNiG Upstream Norway – 11,3%.
Джына-Крог зʼяўляецца адным з 19 радовішчаў, якія ў цяперашні час эксплуатуюцца PGNiG Upstream Norway разам з Orlen Group. Кампанія мае долі ў 90 ліцэнзіях, а бягучыя запасы нафты і газу PGNiG Upstream Norway складаюць больш за 55 мільёнаў барэляў у нафтавым эквіваленце. У 2022 годзе Orlen Group здабыла 3,5 мільярда кубаметраў на сваіх нарвежскіх радовішчах газ.
Orlen Group – гэта мультыэнергетычны канцэрн, які, сярод іншага, мае сем нафтаперапрацоўчых заводаў: чатыры ў Польшчы, у тым ліку, самы вялікі ў краіне – у Плоцку, два ў Чэхіі і адзін у Літве.
Orlen Group налічвае каля 3,1 тыс. АЗС у Польшчы, Германіі, Чэхіі, Славакіі, Літве і Венгрыі. Канцэрн таксама мае шырокі нафтахімічны сегмент і сегмент здабычы вуглевадародаў.
эж