У Вільні праходзіць ІІІ Кангрэс палітвязняў Беларусі #WithoutJustCause. Форум пачаўся 19 траўня з мерапрыемства пра рэпрэсаваную беларускую моладзь, а 21 траўня ўдзельнікі згадваюць Вітольда Ашурка і ўсіх, хто застаецца за кратамі.
Адкрываючы кангрэс, лідарка дэмакратычных сіл Беларусі Святлана Ціханоўская заявіла, што беларусы на волі павінны быць «голасам палітвязняў». Яна згадала Вацлава Арэшку, які амаль страціў зрок у зняволенні, журналістаў Уладзіміра Янкевіча і Ігара Ільяша.
Віцэ-спікера Сэйму Літвы Вікторыя Чміліце-Нільсэн падкрэсліла, што «не можа быць ніякай нармалізацыі» адносін з рэжымам Лукашэнкі, пакуль у Беларусі застаюцца палітвязні.
Амбасадар Чэхіі ў Літве Алеш Опата заявіў, што Прага і надалей будзе падтрымліваць санкцыі супраць беларускіх уладаў і дамагацца спынення рэпрэсій.
Нобелеўскі лаўрэат, кіраўнік ПЦ «Вясна» Алесь Бяляцкі заклікаў не толькі вызваліць палітвязняў, але і дамагчыся палітычных зменаў у Беларусі і адказнасці для вінаватых у рэпрэсіях.
Юры Ліхтаровіч