X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларусы Варшавы рыхтуюцца да Дня Волі

11.03.2021 10:03
Розныя мерапрыемствы да Дня Волі рыхтуюць адразу некалькі беларускіх і польскіх арганізацый у Варшаве.
Аўдыё
  • "Варшаўскі мост". Беларусы Варшавы рыхтуюцца да Дня Волі.
 .
Ілюстрацыйнае фота.Facebook.com/BelaruskiDom

Беларусы ва ўсім свеце будуць адзначаць Дзень Волі — 103-ю гадавіну абвяшчэння незалежнасці Беларускай Народнай Рэспублікі. Урачыстасці пройдуць і ў Варшаве. Розныя мерапрыемствы да Дня Волі рыхтуюць адразу некалькі арганізацый.

«Беларусь: Марш Свабоды» („Białoruś: marsz wolności”) — так называецца фотавыстаўка, якая праходзіць у варшаўскай Кардэгардзе — Нацыянальным цэнтры культуры. Экспазіцыя адлюстроўвае падзеі апошніх месяцаў у Беларусі — так як іх убачылі фатографы. Яны стварылі эмацыянальную карціну падзей, якія разгарнуліся на вуліцах Беларусі пасля прэзідэнцкіх выбараў, якія прайшлі 9 жніўня 2020 года і былі сфальсіфікаваны рэжымам Лукашэнкі.

Яанна Кіноўская, куратар выстаўкі «Беларусь: Марш Свабоды»:На фотаздымках мы бачым людзей з адкрытымі тварамі, усмешкамі. Яны нібы гавораць: мы ёсць — тут і цяпер. Мы бачым на здымках жанчын з кветкамі ў белым адзенні. А з другога боку мы бачым амапаўцаў і міліцыю. Мы бачым людзей у цывільным адзенні, якія кагосьці затрымліваюць. На адным са здымкаў мы бачым удзельніка дэманстрацыі, які паказвае свае раны. На іншай фатаграфіі чалавека, які выйшаў з турмы са швамі на целе пасля гумовых куль.

Выстаўка ў варшаўскай Кардэгардзе — Нацыянальным цэнтры культуры арганізавана пры падтрымцы Міністэрства культуры і нацыянальнай спадчыны Польшчы, па ініцыятыве Еўрапейскага парламента, які 16 снежня 2020 г. узнагародзіў дэмакратычную апазіцыю ў Беларусі Прэміяй імя Сахарава за праваабарончую дзейнасць. Аўтары фотаздымкаў: Дар'я Буракіна, Надзея Бужан, Андрэй Лянкевіч, Леся Пчолка, Вольга Шукайла, Юлія Шаблоўская і Аляксандр Васюковіч.

Выстаўка адкрыта да 25 сакавіка, калі беларусы ва ўсім свеце будуць адзначаць Дзень Волі — 103-ю гадавіну абвяшчэння незалежнасці Беларускай Народнай Рэспублікі.

Яанна Кіноўская:Гэта выстаўка патрэбна, каб мы ўвесь час памяталі, што адбываецца за ўсходняй граніцай — што беларусы ўвесь час змагаюцца, выходзяць на вуліцы. А з другога боку, мы павінны ведаць пра тое, што людзям пагражае: людзей выцягваюць з натоўпу, арыштоўваюць, асуджваюць, ёсць таксама некалькі смяротных ахвяр гэтых пратэстаў.

Сувязь падзей, якія адбываюцца ў Беларусі цяпер, і тых, што адбываліся 103 гады таму, відавочная: увесь гэты час ідзе змаганне за незалежную Беларусь, сапраўдны Беларускі дом, дзе ўсе яго насельнікі будуць «людзьмі звацца». Аднак, як паказвае гісторыя, шлях да сапраўднай незалежнасці і свабоды вельмі цяжкі, цярністы. Дагэтуль многія беларусы вымушаны ўцякаць, эмігрыраваць са сваёй бацькаўшчыны, шукаць ратунку за граніцай. Польшча — адна з тых краін, якая прымае беларусаў і аказвае ім дапамогу.


Многакультурны цэнтр у Варшаве, дзе 27 сакавіка 2021 года адбудзецца кірмаш вырабаў беларускіх майстроў. Многакультурны цэнтр у Варшаве, дзе 27 сакавіка 2021 года адбудзецца кірмаш вырабаў беларускіх майстроў.

Беларусы таксама самастойна дапамагаюць адзін аднаму. Адным з польска-беларускіх мерапрыемстваў у рамках польскай дапамогі і беларускай узаемадапамогі будзе кірмаш беларускага мастацтва „Sztuka białoruska — kiermasz sztuki przy pl. Hallera”, які адбудзецца 27 сакавіка з 10.30 да 17.00 у варшаўскім раёне Прага-Поўнач, каля плошчы Халера, у Многакультурным цэнтры (Centrum Wielokulturowe w Warszawie; ul. Jagiellońska 54). Суарганізатарам выступае фонд “Захад–Усход” (Fundacja Zachód-Wschód).

Вольга Сцяпанава, намеснік старшыні праўлення фонду “Захад–Усход”:Мы запрашаем усіх рамеснікаў, якія нейкім чынам звязаны з Беларуссю. Яны змогуць прадставіць свае вырабы. Калі нехта не можа прыехаць сам, з іншых мясцовасцей, то можа перадаць свае вырабы нам і мы іх выставім на кірмашы.  

Вольга Сцяпанава запрашае ўсіх жадаючых прыйсці на кірмаш і не толькі паглядзець на вырабы майстроў, але і набыць іх.

Вольга Сцяпанава:Большая частка сродкаў, заробленых на гэтай выстаўцы, пойдзе на дапамогу беларусам, на набыццё адзення, прадуктаў, на арганізацыю мерапрыемстваў.

Апрача таго, Вольга Сцяпанава запрашае беларусаў на заняткі ў Многакультурны цэнтр.

Вольга Сцяпанава:Штосуботу ў нас праходзяць заняткі па матэматыцы, маляванні. Мы хацелі б пашырыць нашу навучальную праграму, але, на жаль, не хапае месц. Усе беларусы, якія патрабуюць дапамогі, могуць напісаць да нас праз сайт або праз старонку на фэйсбуку.

К 103-й гадавіне абвяшчэння незалежнасці Беларускай Народнай Рэспублікі ў Варшаве таксама арганізуюцца навуковыя канферэнцыі. Кафедра міжкультурных даследаванняў Цэнтральнай і Усходняй Еўропы Варшаўскага ўніверсітэта 25 сакавіка правядзе міжнародную навуковую канферэнцыю «Беларуская ідэнтычнасць: вопыт мінулага і выклікі сучаснасці». Навуковы форум прымеркаваны к 30-годдзю абвяшчэння незалежнасці Беларусі. Галоўнымі тэмамі канферэнцыі вызначаны: культурныя ўмовы развіцця беларускага нацыянальнага руху; беларускае нацыянальнае адраджэнне ў пачатку ХХ стагоддзя; Рэспубліка Беларусь пасля 1991 года; лёсавызначальныя падзеі ў беларускай культуры і літаратуры; галоўныя элементы беларускай ідэнтычнасці: мова і культура. Суарганізатарамі канферэнцыі з’яўляюцца Беларускі інстытут навукі і мастацтва ў ЗША і Беларускі інстытут навукі і мастацтва ў Канадзе.

Навуковы гурток устойлівага развіцця, Гільдыя маладых людзей,  Міждысцыплінарны навуковы гурток дактарантаў Vendetta, Кола палітыкі дзяржаўнай бяспекі, Навукова-даследчы і медыцынска-адукацыйны інстытут 27-28 сакавіка правядуць агульнапольскую навуковую канферэнцыю “Беларусь — гісторыя, культура, традыцыі, людзі”.

Усе навуковыя форумы адбудуцца ў дыстанцыйным рэжыме.

21 сакавіка а 13.00 ад пл. Жалязнай Брамы ў Варшаве пачнецца традыцыйная святочная дэманстрацыя, арганізаваная фондам “Беларускі дом у Варшаве” к Дню Волі. Арганізатары заклікаюць удзельнікаў прыходзіць з беларускімі нацыянальнымі сімваламі.

Віктар Корбут

Слухайце аўдыё

Больш на гэтую тэму: Варшаўскі мост