X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Канферэнцыя пра палякаў у Беларусі праходзіць у Вільні

04.11.2021 15:01
3-5 лістапада ў Вільні адбываецца навуковая канферэнцыя “Палякі ў Беларусі ад Студзеньскага паўстання да XXI ст.”.
Аўдыё
  • "Варшаўскі мост". Канферэнцыя "Палякі ў Беларусі" ў Вільні.
      ,  3             XXI ..
Будынак пасольства Польшчы ў Літве ў Вільні, дзе 3 лістапада адкрылася Міжнародная навуковая канферэнцыя “Палякі ў Беларусі ад Студзеньскага паўстання да XXI ст.”.Viktar Korbut

3-5 лістапада ў Вільні праходзіць міжнародная навуковая канферэнцыя “Палякі ў Беларусі ад Студзеньскага паўстання да XXI ст.”. Яна адбываецца сёлета ў пяты раз. Яе вядучая тэма на гэты раз — “Рыжскі дагавор і яго наступствы для палякаў і беларусаў”. Традыцыйна навуковы форум адбываўся ў Гродне. Але сёлета вучоныя сустракаюцца ў Вільні.

Ян Маліцкі, дырэктар Цэнтра ўсходнееўрапейскіх даследаванняў Варшаўскага ўніверсітэта: Цэнтр усходнееўрапейскіх даследаванняў Варшаўскага ўніверсітэта з’яўляецца арганізатарам навуковай часткі канферэнцыі. Але ўласна арганізацыйнай работай па правядзенні гэтага форуму з самага пачатку займалася генеральнае консульства РП у Гродне, а асабіста — генеральны консул Ярослаў Ксёнжак, які сам з’яўляецца гісторыкам і таму асабіста зацікаўлены ў правядзенні гэтага мерапрыемства.

Можна задаць пытанне: чаму канферэнцыя праводзілася ў Гродне? Адказ гучыць проста: Гродна з’яўляецца цэнтрам палякаў у сучаснай Беларусі. Там знаходзіцца сядзіба Саюза палякаў Беларусі, іншыя ўстановы і асобы — беларускія палякі, якія займаюцца вывучэннем гісторыі палякаў у Беларусі. Урэшце, у Гродне, бадай, працуе самая вялікая група беларускіх гісторыкаў, якія займаюцца гісторыяй польскай-беларускіх адносін, у т.л. гісторыяй палякаў на тэрыторыі сучаснай Беларусі.

Сёлета канферэнцыя перанесена з Гродна ў Вільню невыпадкова.

Ян Маліцкі: У сувязі з тым, што ўвогуле робіць беларускі рэжым са сваімі грамадзянамі, становіцца немагчымай паездка ў Беларусь і правядзенне гэтай канферэнцыі.

Што і гаварыць! Яшчэ раней канферэнцыя адбывалася ў бубынку генеральнага консульства РП у Гродне, што было ўжо дзіўна, бо ўвогуле консульствы не арганізуюць канферэнцыі.

Але нават два гады таму пад уладай рэжыму (Лукашэнкі. — Рэд.) немагчыма было быць упэўненым, што канферэнцыя адбылася б, калі б яна планавалася ў іншым памяшканні ў горадзе. Што, напрыклад, раптам не пачнецца рамонт на вуліцы, або ў зале, дзе праводзіцца канферэнцыя, не лопне кран. Таму дзеля бяспекі мы праводзілі канферэнцыю на тэрыторыі генеральнага консульства РП у Гродне. Бо тут рэжым не можа паўплываць на ход падзей: перакрыць вуліцу або заявіць, што лопнуў кран, і зрабіць немагчымым правядзенне гэтай канферэнцыі.

Урэшце, сёлета ў сакавіку арганізатар канферэнцыі ў Гродне генеральны консул доктар Ярослаў Ксёнжак быў прызнаны (уладамі РБ. — Рэд.) персонай нон-грата і атрымаў 48 гадзін на тое, каб пакінуць тэрыторыю РБ. У сувязі з гэтым правядзенне канферэнцыі ў Гродне стала зусім немагчымым.

Апрача таго, пастаянным удзельнікам нашай канферэнцыі быў Анджай Пачобут (адзін з актыўных дзеячаў Саюза палякаў Беларусі. — Рэд.), які, праўда, з’яўляецца публіцыстам, але па адукацыі з’яўляецца гісторыкам і выступаў з вельмі змястоўнымі дакладамі. І сёлета таксама павінен быў выступаць на канферэнцыі, а яго даклад павінен быў убачыць свет у канферэнцыйным зборніку. Але Анджай Пачобут, як і Анжаліка Борыс (старшыня Саюза палякаў Беларусі. — Рэд.), цяпер з’яўляецца палітычным зняволеным. І таму немагчыма ні па фармальных, ні па маральных прычынах праводзіць гэту канферэнцыю ў граніцах РБ.

3 лістапада канферэнцыя “Палякі ў Беларусі ад Студзеньскага паўстання да XXI ст.” адкрылася ў пасольстве Рэспублікі Польшча ў Літве, у Вільні.

Ян Маліцкі: Не толькі для палякаў, не толькі для літоўцаў, але і для беларусаў Вільня з’яўляецца важным месцам, горадам. Мы ведаем, што гэты горад быў цэнтрам беларускага руху, які тут пачынаўся ў часы “Нашай Нівы”. А цяпер Вільня з’яўляецца цэнтрам беларускай палітычнай эміграцыі.

Раніцай 4 лістапада ўдзельнікі канферэнцыі наведалі віленскія каталіцкія могілкі: на Росе, на Антокалі. Затым выступленні вучоных прадоўжыліся ў Доме польскай культуры ў Вільні. Сярод даследчыкаў, якія ўдзельнічаюць у канферэнцыі: Аляксандр Смалянчук, Вячаслаў Швед, Дар’юш Тарасюк, Яанна Героўская-Калаўр, Яўген Мірановіч, Мікалай Іваноў і інш.

Па традыцыі адбылася прэзентацыя зборніка дакладаў вучоных, якія прымаюць удзел у канферэнцыі, які выйшаў пад рэдакцыяй Тадэвуша Гавіна, заснавальніка, першага старшыні, а цяпер —  ганаровага старшыні Саюза палякаў Беларусі. Ян Маліцкі падкрэслівае значэнне ўжо пяці тамоў кніжнай серыі Polacy na Białorusi od Powstania Styczniowego do XXI wieku (“Палякі ў Беларусі ад Студзеньскага паўстання да XXI ст.”).

Ян Маліцкі: Не толькі гэтай пятай кнігі, але і папярэдніх чатырох не было б без генеральнага консульства РП у Гродне і былога генеральнага консула РП у Гродне Ярослава Ксёнжака і Тадэвуша Гавіна, выдатнага, прызнанага даследчыка гісторыі палякаў у Беларусі.

Гэта адзіная вядомая мне ў Польшчы канферэнцыя, том матэрыялаў якой выходзіць не праз год-два, а то і пазней, а да канферэнцыі.

Тадэвуш Гавін, рэдактар канферэнцыйных зборнікаў, прымушае нас, аўтараў, каб мы здавалі тэксты задоўга да канферэнцыі. Яны сумленна апрацоўваюцца. Пан консул Ксёнжак піша ўступ, я пішу пасляслоўе. І гэтыя кнігі трапляюць на канферэнцыі.

У сёлетнім зборніку павінен быў быць тэкст Анджая Пачобута пра Камуністычную партыю Заходняй Беларусі. Замест гэтага змешчаны ліст арганізатараў канферэнцыі, што Пачобут з’яўляецца палітычным зняволеным.

5 лістапада, у трэці, апошні дзень канферэнцыі, на ёй павінны адбыцца дэбаты “Беларусь у сучаснай палітыцы Польшчы і Літвы: дзеянні парламентаў”. Плануецца ўдзел у дыскусіі Малгажаты Гасеўскай, намесніка старшыні Сейма Рэспублікі Польшча, і Паўлюса Саўдаргас, намесніка старшыні Сейма Літоўскай Рэспублікі.

Закрыюць канферэнцыю выступленні Тадэвуша Гавіна, Ярослава Ксёнжака і Яна Маліцкага.

Віктар Корбут

Слухайце аўдыё

Больш на гэтую тэму: Варшаўскі мост

У Варшаўскім універсітэце вучоныя з усяго свету абмяркоўваюць фарміраванне беларускай ідэнтычнасці

01.04.2021 10:02
У Варшаўскім універсітэце праходзіць міжнародная навуковая канферэнцыя «Беларуская ідэнтычнасць: вопыт мінулага і выклікі сучаснасці».

Кнігі па гісторыі Беларусі адзначаны прэміяй часопіса Przegląd Wschodni

28.10.2021 10:02
Італьянскі вучоны Андрэа Марыяні, які працуе ў Познані, апрацаваў інвентары навагрудскага і нясвіжскага езуіцкіх калегіумаў 1773-1774 гг.