X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Пасол РП у Беларусі: Мы хочам жыць разам у незалежных дэмакратычных дзяржавах

18.11.2021 10:03
3-5 лістапада ў Вільні прайшла міжнародная навуковая канферэнцыя “Палякі ў Беларусі ад Студзеньскага паўстання да XXI ст.”. 
Аўдыё
  • "Варшаўскі мост". Канферэнцыя "Палякі ў Беларусі".
, 3  2021 .            XXI .      .
Вільня, 3 лістапада 2021 г. Адкрыццё Міжнароднай навуковай канферэнцыі “Палякі ў Беларусі ад Студзеньскага паўстання да XXI ст.” у будынку пасольства РП у Літве.Viktar Korbut

3-5 лістапада ў Вільні прайшла міжнародная навуковая канферэнцыя “Палякі ў Беларусі ад Студзеньскага паўстання да XXI ст.”. Яе сёлета арганізавалі Цэнтр ўсходнееўрапейскіх даследаванняў Варшаўскага ўніверсітэта, МЗС РП, пасольства РП у Літве.

Традыцыйна канферэнцыя праходзіла ў Гродне. У яе падрыхтоўцы з года ў год удзельнічаюць дырэктар Цэнтра ўсходнееўрапейскіх даследаванняў Варшаўскага ўніверсітэта Ян Маліцкі, консул (цяпер ужо былы) РП у Гродне Ярослаў Ксёнжак, а таксама ганаровы старшыня Саюза палякаў Беларусі Тадэвуш Гавін. 

У Вільні канферэнцыя сабрала не толькі вучоных з Польшчы, Беларусі і Літвы, але і палітыкаў, дзяржаўных дзеячаў. На форуме гучалі ацэнкі сітуацыі ў Беларусі, у т.л. становішча палякаў у Беларусі.

Уршуля Дарашэўская, пасол РП у Літве: — Вільня гістарычна заўсёды аб’ядноўвала літоўцаў, палякаў і беларусаў, грамадзян Рэчы Паспалітай Абодвух Народаў, некалі падзеленай акупантамі. Цяпер Вільня нас яднае ў дыскусіі аб лёсе палякаў у Беларусі і ўвогуле грамадзян Беларусі, якія вымушаны эмігрыраваць.

У зачытаным Уршуляй Дарашэўскай лісце кіраўніка канцылярыі прэм’ер-міністра РП Міхала Дворчыка да ўдзельнікаў Міжнароднай навуковай канферэнцыі “Палякі ў Беларусі ад Студзеньскага паўстання да XXI ст.” сярод іншага канстатуецца сучасная сітуацыя палякаў у Беларусі: “Рэпрэсіі за дзейнасць на карысць палякаў у Беларусі ў 2021 годзе набылі яшчэ большы маштаб і жорсткасць. Нашы суайчыннікі Анжаліка Борыс і Анджай Пачобут былі затрыманы спецслужбамі беларускага рэжыму і з сакавіка застаюцца ў турме, а многія іншыя вымушаны пакінуць Беларусь. Іх лёс ніколі не будзе абыякаваны ўраду Аб’яднаных правых сіл”.

Пасол РП у Беларусі Артур Міхальскі лічыць, што нягледзячы на цяперашні складаны перыяд у гісторыі Беларусі і палякаў у Беларусі, гэта і час для пераасэнсавання многіх пытанняў.

Артур Міхальскі, пасол РП у Беларусі:Палякі, беларусы, літоўцы пазнаюць сваю агульную ідэнтычнасць, якая глыбока ўкарэнена ў еўрапейскай супольнасці. І даследаванне гісторыі з’яўляецца фундаментальным для фарміравання нашых мар пра будучыню.

Я глыбока веру ў тое, што мы хочам жыць разам у незалежных дэмакратычных дзяржавах.

Артур Міхальскі адзначыў, што клопат польскай дзяржавы пра палякаў, якія жывуць за граніцай РП, гэта нармальная з’ява.

Артур Міхальскі:Усе разам мы складаем супольнасць людзей, якім на самай справе вельмі важна, каб прывесці да перамен, нармальнага жыцця. Ніколі мы не мелі на мэце нічога кепскага.

Палякі заўсёды былі, ёсць і будуць неаддзельнай гістарычнай натуральнай часткай беларускага грамадства.

Артур Міхальскі напомніў не толькі пра лёс палякаў у Беларусі, якіх дыскрымінуе рэжым Лукашэнкі, але і пра рэпрэсіраваных беларусаў.

Артур Міхальскі:Афіцыйна больш за 800, а на самай справе, мабыць, больш нашых беларускіх братоў і сясцёр з’яўляюцца палітычнымі зняволенымі і пакутуюць. Мы павінны пра іх памятаць і дабівацца іх вызвалення.

Пасол РП у Беларусі, звяртаючыся да беларусаў, сказаў некалькі слоў па-беларуску.

Артур Міхальскі:Я вельмі шчаслівы, што ў нас ёсць беларускія сябры. Гэта вельмі важна —адчуваць супольнасць палякаў, беларусаў і літоўцаў. Гэта асабліва важна ў цяперашні цяжкі час. Але я глыбока перакананы, што гэты цяжкі час мы пройдзем і будзем разам таксама і ў будучыні.

Па відэасувязі ўдзел у канферэнцыі ў Вільні “Палякі ў Беларусі ад Студзеньскага паўстання да XXI ст.” прыняла Святлана Ціханоўская, былы кандыдат у прэзідэнты Беларусі, якая, паводле розных ацэнак, перамагла Аляксандра Лукашэнку на выбарах 9 жніўня 2020 года. Аднак выбары былі сфальсіфікаваны, што выклікала масавыя дэманстрацыі пратэсту, якія падаўляюцца рэжымам Лукашэнкі з нябачанай раней жорсткасцю.

Напомніўшы пра лёс Анжалікі Борыс і Анджая Пачобута, Святлана Ціханоўская падкрэсліла, што антыпольская палітыка мінскага рэжыму не адпавядае традыцыям беларускага народа.

Святлана Ціханоўская: — Беларусь заўсёды была краінай розных культур і моў. Беларуская і польская культура ўзаемадзейнічалі ад часоў Адама Міцкевіча да Чэслава Немэна. Тыя, хто гаворыць і лічыць сябе палякам, з’яўляюцца неад’емнай часткай беларускай нацыі.

Кожная нацыянальная меншасць павінна мець свабоду стварэння сваіх школ і арганізацый. Але цяпер усё не так. Сіла законаў павінна быць адноўлена ў Беларусі. Гэта павінны зрабіць самі беларусы. Але ўсе людзі добрай волі могуць ім дапамагчы.

Ян Маліцкі рэзюмаваў ролю польскай дзяржавы, МЗС РП не толькі ў падтрымцы палякаў у Беларусі, але і дэмакратычнага грамадства ў РБ.

Ян Маліцкі: Польшча робіць вельмі многа для падтрымкі незалежных рухаў у Беларусі.

Ян Маліцкі выказаў спадзяванне, што наступная канферэнцыя “Палякі ў Беларусі ад Студзеньскага паўстання да XXI ст.” адбудзецца ў прысутнасці Анжалікі Борыс і Анджая Пачобута.

Віктар Корбут

Вільня

Слухайце аўдыё

Больш на гэтую тэму: Варшаўскі мост

Андрэй Стрыжак: Літва і Польшча — правайдары Беларусі за мяжой

11.11.2021 10:01
Праваабаронца Андрэй Стрыжак лічыць, што Літва і Польшча зацікаўлены ў тым, каб Беларусь была дэмакратычнай і вольнай дзяржавай.