Пасол Польшчы ў Расіі: Расіяне стаміліся ад вайны супраць Украіны

Расіі ўсё цяжэй «купіць» добраахвотнікаў для барацьбы супраць Украіны, лічаць эксперты.

У Санкт-Пецярбургу выставілі партрэты расійскіх салдат, якія ваююць ва Украіне

PAP/EPA/ANATOLY MALTSEV

«Расіяне стаміліся ад вайны», – заявіў Польскаму радыё пасол Польшчы ў Расіі. Падобна сітуацыю ацэньваюць таксама некаторыя ваенныя эксперты. Яны паказваюць на высокія страты, якія панесла расійская эканоміка, і неспрыяльную для Крамля сітуацыю на фронце.

Паводле іх, Расія губляе велізарныя сілы і рэсурсы на фронце, не дасягаючы ніякага поспеху – тэрыторыі, якія армія агрэсара здолела захапіць летам, украінцы вяртаюць восенню.

У выніку нападаў украінскіх беспілотнікаў расійская эканоміка цярпіць страты, нагадвае Кшыштаф Краеўскі (Krzysztof Krajewski):

- Расійская Федэрацыя нясе велізарныя выдаткі. Гэта відаць па росце інфляцыі, ваганнях цэн і дрэнным стане банкаўскай сістэмы. Шмат сведчыць пра тое, што расійскае грамадства стамілася ад вайны.

Амерыканскі інстытут вывучэння вайны паказвае, што ў Расіі ўсё цяжэй «купіць» добраахвотнікаў для барацьбы супраць Украіны. Эксперты падкрэсліваюць, што механізм фінансавага стымулявання перастаў функцыянаваць. Яны лічаць, што Уладзімір Пуцін можа або абвясціць усеагульную мабілізацыю або пачаць мірныя перамовы.

IAR/аз