Расійскія беспілотнікі выклікалі пажары ў Чарнобыльскай зоне. Гэта яшчэ адзін небяспечны інцыдэнт за апошнія дні. У сераду і чацвер Украіна стала цэллю масіраваных абстрэлаў расійскімі беспілотнікамі ды ракетамі.
Значная частка ракет трапіла ў Кіеўскую вобласць, дзе знаходзіцца недзеючая Чарнобыльская АЭС, якая была выведзена з эксплуатацыі 40 гадоў таму.
Спецыяльнае дзяржаўнае агенцтва, якое кіруе гэтай тэрыторыяй, паведаміла пра пажары ў Чарнобыльскай зоне. Як паведамлялася, збіццё расійскіх беспілотнікаў «Геран-2» прывяло да новых пажараў у лясах Чарнобыльскай зоны адчужэння. Іх тушэнне абцяжарана моцным дымам, паваленымі дрэвамі і цяжкадаступнасцю. Узроўняў радыяцыі, якія перавышаюць дапушчальныя нормы, вакол пажару не зафіксавана.
Дзяржаўнае агенцтва, якое кіруе зонай адчужэння, падкрэсліла, што пажары ў чарнобыльскіх лясах успыхнулі ўсяго праз дзень пасля таго, як былі патушаныя папярэднія, таксама ў выніку нападаў расійскіх беспілотнікаў.
Тыдзень таму, у пятніцу, гарэла больш за 1200 гектараў лесу вакол Чарнобыльскай электрастанцыі.
Сёння стала вядома, што павялічылася колькасць ахвяр учорашняга расійскага абстрэлу Кіева да 21 чалавека. Сярод ахвяр трое дзяцей. Амаль 60 чалавек атрымалі раненні.
Мэр Кіева Віталій Клічко заявіў, што напад на сталіцу Украіны стаў найбуйнейшым з пачатку вайны. Пятніца, 15-га мая, будзе днём жалобы.
ПР/юл