Прэзідэнт Украіны Уладзімір Зяленскі заклікаў саюзнікаў з Еўропы і ЗША павялічыць пастаўкі сродкаў супрацьпаветранай абароны пасля аднаго з найбуйнейшых расійскіх удараў па Украіне. У ноч на 2 ліпеня Расія выкарыстала 570 сродкаў паветранага нападу — ракеты і дроны. Асноўнай цэллю стаў Кіеў.
Паводле апошніх звестак, у сталіцы Украіны загінулі 30 чалавек, яшчэ больш за 100 атрымалі раненні. Украінская СПА збіла 524 з 570 паветраных цэляў, аднак частка балістычных ракет прарвала абарону.
— Гэта быў удар, спецыяльна задуманы расіянамі так, каб нанесці як мага больш шкоды. За ноч мы збілі 48 ракет і 476 дронаў розных тыпаў. Шкада, што не ўсе. На жаль, у нас ёсць дэфіцыт супрацьбалістычных сродкаў, ёсць дэфіцыт ракет Patriot, і неабходна, каб партнёры са Злучаных Штатаў і Еўропы былі больш актыўнымі ў аказанні падтрымкі, — заявіў Зяленскі.
Палітык таксама падкрэсліў, што падобныя атакі сведчаць пра нежаданне Крамля весці рэальныя мірныя перамовы.
iar/эж