Украінскія Сілы абароны паведамілі пра ўдар па расійскіх суднах у Азоўскім моры ў ноч з 8 на 9 ліпеня. Паводле Генштаба УСУ, мэтай атакі сталі 12 танкераў так званага ценевага флоту Расіі, а таксама буксір і сухагруз.
Кіеў сцвярджае, што гэтыя судны выкарыстоўваліся для абыходу міжнародных санкцый, перавозкі нафты і нафтапрадуктаў, а таксама забеспячэння расійскіх войскаў палівам. Украінскі бок адзначыў, што маштабы пашкоджанняў яшчэ ўдакладняюцца. Раней у Кіеве паведамлялі пра атакі на іншыя расійскія судны.
Ценявы флот Расіі складаецца з сотняў танкераў, якія выкарыстоўваюцца для экспарту энергарэсурсаў у абыход заходніх санкцый. Паводле ацэнак спецыялістаў, ён можа налічваць ад 600 да 1600 суднаў.
pap/эж