Вярхоўная Рада Украіны зацвердзіла новым прэм'ер-міністрам краіны Сяргея Карэцкага, які да гэтага ўзначальваў дзяржаўную кампанію «Нафтагаз». За яго кандыдатуру, прапанаваную прэзідэнтам Уладзімірам Зяленскім, прагаласавалі 289 дэпутатаў. Карэцкі змяніў на гэтай пасадзе Юлію Свірыдэнка і стаў ужо трэцім кіраўніком украінскага ўрада з пачатку поўнамаштабнай вайны.
Новы прэм'ер заявіў, што галоўнымі прыярытэтамі яго Кабінета будуць узмацненне абароны, эканамічная стабільнасць і працяг інтэграцыі ў Еўрасаюз.
Адначасова ў Кіеве, Львове, Дняпры, Адэсе, Луцку, Вінніцы і Івана-Франкоўску прайшлі акцыі ў падтрымку былога міністра абароны Міхаіла Фёдарава, якога не ўключылі ў склад новага ўрада. Удзельнікі пратэстаў патрабавалі пакінуць Фёдарава на пасадзе, трымаючы плакаты «Не чапайце тое, што працуе» і «Вярніце Фёдарава».
Пасля адстаўкі Фёдарава намеснік камандуючага Паветранымі сіламі Украіны палкоўнік Павел Елізараў падаў рапарт на звальненне, заявіўшы, што лічыць гэтае рашэнне «вялікім злом для абараназдольнасці краіны».
iar/pap/pravda.com.ua/эж