Папа Леў XIV падчас тэлефоннай размовы з дыктатарам Расіі Уладзімірам Пуціным заклікаў абвясціць перамір’е, каб дапамагчы мірным жыхарам акупаваных Алешак у Херсонскай вобласці Украіны. Размова адбылася 16 кастрычніка, калі пантыфік знаходзіўся ў лякарні пасля аперацыі.
Паводле Ватыкана, біскуп Рыма выказаў глыбокую занепакоенасць гуманітарнай катастрофай у горадзе і папрасіў Пуціна забяспечыць дастаўку прадуктаў і лекаў, а таксама добраахвотную і бяспечную эвакуацыю насельніцтва. Крэмль заявіў, што Пуцін падтрымаў гуманітарную ініцыятыву Ватыкана і выказаў гатоўнасць супрацоўнічаць.
Алешкі, размешчаныя за чатыры кіламетры ад Херсона, адрэзаныя ад рэгулярных паставак ежы, вады, лекаў і электрычнасці. Паводле ўкраінскіх уладаў, людзі выжываюць на апошніх запасах, ядуць пустазелле і вырашчаныя каля дамоў кабачкі.
Да вайны тут жылі каля 24 тыс. чалавек, цяпер засталося прыкладна дзве тысячы. Эвакуацыю ўскладняюць замінаваныя дарогі і расійскія беспілотнікі.
iar/pap/эж