З пачатку вайны расійскія касетныя бомбы забілі больш за 1 200 мірных жыхароў Украіны. Пра гэта паведамляецца ў штогадовай справаздачы The Cluster Munition Coalition (CMC), арганізацыі, якая змагаецца за забарону вытворчасці і выкарыстання такога віду зброі.
Арганізацыя паведаміла, што Расія выкарыстоўвае касетныя бомбы з пачатку паўнамаштабнай вайны. Яна дадала, што Украіна таксама выкарыстоўвае гэты тып боепрыпасаў.
Паводле справаздачы, у 2024 годзе з-за выкарыстання касетных бомб ва Украіне было зафіксавана не менш за 193 смерці з агульнай колькасці 314 па ўсім свеце.
Аўтары справаздачы падкрэсліваюць, што колькасць ахвяр ва Украіне заніжаная, бо Расія здзейсніла, як мінімум, 40 нападаў з выкарыстаннем такіх снарадаў, пра колькасць ахвяраў якіх не паведамлялася.
Касетныя бомбы і боепрыпасы могуць быць скінуты з самалётаў або выпушчаны артылерыяй. Яны выбухаюць у паветры, рассыпаючыся на меншыя часткі, якія ўяўляюць сабой доўгатэрміновую пагрозу, паколькі дзейнічаюць як міны, то бок могуць выбухнуць нават праз некалькі гадоў.
IAR/аз