У Румыніі збілі беспілотнік, які парушыў паветраную прастору краіны

Абломкі апарата ўпалі ў незаселенай мясцовасці паміж двума вёскамі.

Беспілотны лятальны апарат Shahed

Anelo/Shutterstock

Саюзнікі збілі беспілотнік, які незаконна ўвайшоў у паветраную прастору краіны. Гэта ўжо чацвёрты беспілотнік, збіты над Румыніяй ад пачатку года.

Пра інцыдэнт у нядзелю, 16 жніўня, паведаміла Міністэрства нацыянальнай абароны Румыніі. Беспілотнік знішчыў пілот іспанскага знішчальніка F-18, які ўдзельнічае ў місіі НАТА па ахове паветранай прасторы Румыніі. Румынскае міністэрства пакуль не паведаміла, адкуль прыляцеў беспілотнік і каму ён належаў. Абломкі апарата ўпалі ў незаселенай мясцовасці паміж двума вёскамі.

În noaptea de 15 spre 16 august, la ora 04.44, sistemele de supraveghere ale Ministerului Apărării Naționale au detectat pătrunderea unei ținte aeriene în spațiul aerian național, dinspre Republica Moldova, la aproximativ 24 km nord de Galați.
O aeronavă F-18 a Forțelor Aeriene… pic.twitter.com/TD99i4QFwp

— MApN (@MApNRomania) August 16, 2026

Румынія мае 614-кіламетровую сухапутную мяжу з Украінай і з пачатку поўнамаштабнай расійскай агрэсіі неаднаразова сутыкалася з наступствамі вайны на сваёй тэрыторыі. 

Расійскія беспілотнікі ўжо некалькі разоў заляталі ў румынскую паветраную прастору, у тым ліку, траплялі ў жылы дом у горадзе Галац. Акрамя таго, у Чорным моры фіксавалі дрэйфуючыя міны і марскія дроны, якія ствараюць пагрозу суднаходству.

iar/pap/эж