Як мінімум 27 чалавек загінулі і 42 атрымалі раненні ў выніку расійскай атакі на Бучанскі раён пад Кіевам у ноч з пятніцы на суботу, паведаміў начальнік абласнога штаба Кіеўскай вобласці Цімур Ткачэнка. Ён дадаў, што колькасць ахвяр можа павялічыцца.
— На жаль, на дадзены момант вядома пра 27 загінулых. І гэтая лічба можа быць не канчатковай, — напісаў Ткачэнка ў Telegram.
Ён дадаў, што як мінімум 42 чалавекі атрымалі раненні, у тым ліку чацвёра дзяцей.
На месцы здарэння працягваюцца выратавальныя аперацыі, а таксама ліквідацыя наступстваў абстрэлу, выбухаў і пажару, якія ўзніклі ў выніку ўздзеяння.
Позна ўвечары ў пятніцу партал «Украінская праўда» паведаміў, што ў складскіх памяшканнях кампаніі ў Мыле, недалёка ад горада Буча, узнік пажар, і чуваць дэтанацыі. На месцы здарэння працуюць паліцыя, ратавальнікі і тэхнічныя службы. Рух на ўчастку Кіеў-Чоп галоўнай аўтамагістралі М-О6 прыпынены.
PAP/ав