Эксперты дыпламатычнага корпуса ЕС падрыхтавалі прапанову самага маштабнага ў гісторыі пашырэння пакета санкцый ЕС супраць Расіі. Як даведалася грамадскае Польскае радыё прапанаваны «чорны спіс» уключае 1 571 запіс, сярод якіх асобы, кампаніі, установы і арганізацыі.
Умовай з’яўляецца згода амбасадараў краін ЕС на падаўжэнне «чорнага спіса», які цяпер змяшчае больш за 3 000 прозвішчаў і кампаній.
Маштабны пакет санкцыяў — гэта адказ ЕС на эскалацыю расійскіх нападаў на Украіну і гібрыдныя напады ў Еўропе.
Ён накіраваны на 744 асобы, якія займаюць кіруючыя пасады на прадпрыемствах, якія лічацца часткай ваенна-прамысловага комплексу Расіі, а таксама на 827 кампаній, устаноў і арганізацый. Сярод іх кампаніі авіяцыйнага сектара, ракетна-касмічнай прамысловасці, суднабудаўнічага, электроннага, радыё- і тэлекамунікацыйнага, хімічнага і металургічнага сектараў.
Сярод іх ёсць таксама кампаніі, якія рамантуюць і абслугоўваюць, між іншым, самалёты, караблі і браняваную тэхніку.
IAR/аз