X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларускія дзеці з Польшчы пабывалі на ёлцы ў Лукашэнкі

16.01.2020 10:02
Настаўнікі і вучні беларускіх школ з Падляшша ўсё часцей наведваюць Беларусь.
Аўдыё
  • "Варшаўскі мост". Марыя Томчук пра візіт школьнікаў з Орлі ў Мінск.
        .
Беларускія дзеці з Падляшша на навагодняй ёлцы ў Мінску.Ula Szubzda

У перыяд навагодніх свят група настаўнікаў і вучняў са школ з выкладаннем беларускай мовы, якія знаходзяцца на Падляшшы, ва ўсходнім рэгіёне Польшчы, наведала Беларусь. Сярод іх былі педагогі і выхаванцы з пачатковай школы ў Орлі.

Марыя Томчук, дырэктар пачатковай школы ў Орлі: — У нашай вёсцы жыве многа беларусаў, а нашы дзеці могуць вывучаць беларускую мову ў школе. У нашай школе больш за 50% бацькоў выказалася за выкладанне беларускай мовы, і ўрокі адбываюцца тры разы на тыдзень.

Нашы настаўнікі штогод павышаюць сваю кваліфікацыю на курсах у Мінску.

А дзеці маюць магчымасць паехаць на экскурсіі. Апошняя такая паездка адбылася ў Мінск — 3 студзеня на навагоднюю ёлку ў Палац Незалежнасці з удзелам прэзідэнта Беларусі. У паездцы прымалі ўдзел дзеткі з іншых школ з усяго Падляшша, у т.л. з Беластока і Бельска-Падляшскага.

Вечарам 2 студзеня мы паглядзелі Мінск, наведалі калядны кірмаш, а 3 студзеня — Палац моладзі і Палац Незалежнасці. Дзеці маглі ўдзельнічаць у рабоце розных гурткоў, маляваць, рабіць здымкі, гуляць з іншымі дзецьмі. Былі апрача нас беларускія дзеці з Украіны і Расіі, а таксама з Беларусі. Мы пабачылі цудоўны святочны паказ. А дзеці атрымалі падарункі ад прэзідэнта Беларусі — па 2 кг слодычаў, талісманы, звязаныя з годам пацука і смарт-гадзіннікі.

На якой мове праходзіла свята?

Марыя Томчук: — Паказы адбываліся на рускай мове. Нашы некаторыя дзеткі таксама ўжо вывучаюць рускую мову — як другую замежную з чацвёртага класа.

Падчас паездкі мы з дзецьмі стараліся гаварыць па-беларуску, таксама яны чулі беларускую мову ў транспарце ў Мінску.

Віктар Корбут

Слухайце аўдыё

Больш на гэтую тэму: Варшаўскі мост