X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Палякаў прывабліваюць у Беларусь імёнамі Міцкевіча, Касцюшкі, Немэна, касметыкай і балотамі

18.02.2020 17:35
За шэсць дзён без візы ў Беларусі можна ўбачыць галоўныя польскія славутасці і беларускую экзотыку.
Аўдыё
  • Беларускія турфірмы ў Варшаве.
            .
Тур па Беларусі “Героі Польшчы” прадставіла ў Варшаве турыстычная кампанія з Мінска “Кенгуру”. Viktar Korbut

У пасольстве Рэспублікі Беларусь у Рэспубліцы Польшча 17 лютага адбылася прэзентацыя, арганізаваная Нацыянальным агенцтвам па турызме Рэспублікі Беларусь. Падчас мерапрыемства былі прадстаўлены новыя турыстычныя кірункі для палякаў, якія жадаюць наведаць Беларусь. Прадстаўнікі санаторыяў, гасцініц, турыстычных кампаній з Мінска, Гродна і Ружан расказалі пра тое, чым могуць прывабіць патэнцыяльных турыстаў з Польшчы. Перш за ўсё размова ішла пра тыя мясціны Беларусі, якія звязаны з жыццём і дзейнасцю постацей, што адыгралі важную ролю ў гісторыі і культуры Польшчы.

Сяргей Быцкевіч, прадстаўнік кампаніі “Віяполь” з Мінска:У Гродне звяртае на сябе ўвагу Стары замак, звязаны з асобай караля Стэфана Баторыя, музей Элізы Ажэшка. Недалёка знаходзяцца Багатырэвічы, звязаныя з Ажэшка. У Старых Васілішках знаходзіцца музей Чэслава Немэна. Навагрудак і Завоссе звязаны з Адамам Міцкевічам. Мінск памятае Станіслава Манюшку. У Курапатах былі расстраляны ў т.л. палякі. З Тадэвушам Касцюшкам звязана Мерачоўшчына, а з Рамуальдам Траўгутам Кобрын. Пад Баранавічамі знаходзілася сядзіба Рэйтанаў. Нясвіж са спадчынай Радзівілаў таксама будзе цікавы польскім турыстам.

Марына Чарнавокая і Сяргей Быцкевіч у пасольстве Рэспублікі Беларусь у Рэспубліцы Польшча. Марына Чарнавокая і Сяргей Быцкевіч у пасольстве Рэспублікі Беларусь у Рэспубліцы Польшча.

Для палякаў кампанія “Кенгуру” арганізавала спецтуры пад назвай “Героі Польшчы”.

Марына Чарнавокая, дырэктар турыстычнай кампаніі “Кенгуру” з Мінска:Мы падрыхтавалі тур па бязвізавай зоне ў Гродзенскай і Брэсцкай абласцях на шэсць дзён/пяць начэй “Героі Польшчы”. За гэты час у Беларусі можна ўбачыць усё самае важнае для палякаў. Наведваем мясціны, дзе нарадзіліся і жылі выдатныя палякі: Чэслаў Немэн, Адам Міцкевіч, Андрэй Баболя. Ёсць таксама трохдзённы тур па Гродне і ваколіцах і на Брэсце і ваколіцах. Тут на тры дні каштуе каля 200 еўра, на шэсць дзён — 350-370 еўра на чалавека. Сюды ўваходзіць усё, апрача дарогі да Беларусі, — пражыванне, харчаванне (апрача вячэры), праезд, экскурсіі.  

У польскага турыста ёсць магчымасць паехаць нават на аднадзённую экскурсію літаральна ў любы куток Беларусі.

Сяргей Быцкевіч:Аднадзённая экскурсія з абедам каштуе каля 40 еўра на чалавека. Усяго мы прапануем амаль 80 экскурсій. Экскурсіі ніколі не адмяняюцца, нават калі запішацца толькі адзін чалавек.

Польскага турыста можа зацікавіць не толькі гісторыка-культурная спадчына, але і прырода і іншыя славутасці Беларусі.


Турпакет "БССР" -- "У Беларусі старажытнай сустракаемся разам". Турпакет "БССР" -- "У Беларусі старажытнай сустракаемся разам".

Марына Чарнавокая прапанавала праграму, якая па сваёй назве не мае, здавалася б, нічога агульнага з польскай гісторыяй у Беларусі — БССР. Аднак гэта толькі так здаецца. Абрэвіятура расшыфроўваецца: “У Беларусі старажытнай сустракаемся разам”.

Марына Чарнавокая:Мы прапануем жаночы тур для пані і паненак па гістарычных мясцінах і крамах з касметычным майстар-класам, калі самі жанчыны могуць зрабіць натуральную касметыку. Яшчэ мы прапануем аўтарскую экскурсію на балота ў Мёрскім, Шаркаўшчынскім раёнах, а затым начуем на беразе возера Нарач, дзе каштуем травяны чай, смажым шашлык.

Прадстаўнікі беларускіх турфірм, якія наведалі Варшаву, пераконваюць, што польскія турысты, наведаўшы Беларусь, захочуць зноў наведаць гэту краіну — бацькаўшчыну Адама Міцкевіча, Тадэвуша Касцюшкі і Чэслава Немэна.

Віктар Корбут

Фота аўтара

Слухайце аўдыё

Прадстаўнікі беларускіх і польскіх турфірм на сустрэчы ў пасольстве Рэспублікі Беларусь у Рэспубліцы Польшча. Прадстаўнікі беларускіх і польскіх турфірм на сустрэчы ў пасольстве Рэспублікі Беларусь у Рэспубліцы Польшча.