X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Алімпійскія гульні ў Токіа могуць зноў перанесці

12.01.2021 14:35
Японцы супраць правядзення імпрэзы ў гэтым годзе ў сваёй сталіцы.
Здымак мае ілюстрацыйны характарPAP/EPA/FRANCK ROBICHON

80 адсоткаў апытаных японцаў хоча адмены або перанясення алімпіяды ў Токіа. Колькасць незадаволеных узрастае паралельна з колькасцю хворых на covid – інфармуе Gazeta Wyborcza. Нагадаем, што першапачаткова алімпійскія гульні мелі адбыцца ўлетку 2020 года. З прычыны пандэміі кранавіруса аднак, арганізатары разам з Міжнародным алімпійскім камітэтам вырашылі перанесці іх на наступны год. Зараз імпрэзу могуць чакаць чарговыя пераносы, бо жыхары Токіа і ваколіцы не жадаюць правядзення алімпіяды ў цяперашніх умовах.

Тым часам прэм'ер-міністр Ёшыхідэ Суга ўвёў надзвычайнае становішча на тэрыторыі сталіцы і суседніх прэфектур, з прычыны таго, што колькасць хворых расце. Японскі локдаўн пакуль што не вельмі жорсткі, бо школы, кінатэатры ды спартзалы адкрытыя.

З іншага боку, сітуацыя ў краіне абнадзейвае. Ад пачатку распаўсюд каранавіруса адносна павольны, на сённяшні дзень выяўлена толькі 280 тысяч выпадкаў на 126 мільёнаў жыхароў. Ад хваробы памерла 4 тысячы людзей. Як аказваецца, менавіта добрыя вынікі, а не адсутнасць кантролю над распаўсюдам віруса зʼяўляецца прычынай стаўлення большасці японцаў да правядзення гульняў. Імпрэза магла б прывесці да таго, што краіну наведаюць хворыя заўзятары і спрычыняцца да распаўсюду інфекцыі. Японія таксама вельмі позна распачне вакцынацыю. Медыкі, і то толькі абмежаваная іх колькасць, будуць прышчапляцца з лютага, астатні медперсанал у сакавіку, а старэйшыя жыхары – з канца сакавіка. З гэтай нагоды калектыўны імунітэт у грамадстве не будзе выпрацаваны да пачатку алімпіяды.

Каранавірус не перашкаджае японцам наведваць спартовыя пляцоўкі. У выхадныя распачаўся Вялікі турнір сумо, на які ўлады дапусцілі 5 тысяч наведвальнікаў. Таксама неўзабаве распачнецца японскі футбольны чэмпіянат, арганізатары плануюць пускаць заўзятараў на стадыёны. Таму алімпіяда пад пытаннем, бо людзі – за перанос, а ўлады спрабуюць яе правесці. Міжнародны алімпійскі камітэт у сваю чаргу заявіў, што дата правядзення гульняў у 2021 канчатковая, а чарговы перанос не прадугледжваецца.

Gazeta Wyborcza/аев