X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

64 гады таму ў Канах фільм «Канал» Анджэя Вайды атрымаў Сярэбраную пальмавую галінку

29.04.2021 20:49
«Канал» стаў адным з першых фільмаў у пасляваеннай Польшчы, які атрымаў гэтак прэстыжны прыз.
Аўдыё
  • 64 гады таму ў Канах фільм «Канал» Анджэя Вайды атрымаў Сярэбраную пальмавую галінку
Кадр з фільму «Канал» рэжысёра Анджэя Вайды screen WFDiF - Studio Filmowe Kadr

64 гады таму на Канскім кінафестывалі фільм «Канал» рэжысёра Анджэя Вайды атрымаў Сярэбраную пальмавую галінку. Гэта была адна з першых важнейшых кінаўзнагарод у пасляваеннай Польшчы.

У 1957 годзе, падчас славутага Канскага кінафестывалю, які праходзіў 10-ы па ліку раз, фільм «Канал» маладога ў той час польскага рэжысёра Анджэя Вайды стаў адным з пераможцаў прэстыжнага мастацкага форума. Кінакарціна была ўзнагароджаная Сярэбранай пальмавай галінкай, уступіўшы толькі фільму «Сёмая пячатка» славутага Інгмара Бергмана, які быў уганараваны Залатой галінкай.

Фестываль у Канах пачаўся 2 мая 1957 года і закончыўся 17 мая.

«Канал» стаў адным з першых фільмаў у пасляваеннай Польшчы, які атрымаў гэтак прэстыжны прыз. Можна сказаць, што менавіта з гэтага моманту пачалася міжнародная рэжысёрская кар’ера Анджэя Вайды. Варта таксама зазначыць, што ў адрозненні ад еўрапейскіх спецыялістаў, польскія кінакрытыкі фільм успрынялі даволі стрымана.
1957 год для польскай кінематаграфіі быў знакавым, таму што менавіта тады былі знятыя два важныя ваенныя фільмы – менавіта «Канал» Вайды і «Героіка» Анджэя Мунка. Сцэнарыі двух кінастужак напісаў Ежы Стэфан Ставіньскі на падставе сваіх ваенных апавяданняў. Лічыцца, што гэтыя фільмы, і асабліва «Канал», з’яўляюцца пачаткам гэтак званай польскай кінашколы.

У фільме Вайды апавядаецца трагічная гісторыя варшаўскіх паўстанцаў, якія ў канцы збройнага чыну, у верасні 1944 года, разумеючы, што паўстанне завершыцца паразай з-за перавагі гітлераўскіх сіл, прабіраюцца з акружэння з цэнтра Варшавы па каналізацыйных каналах. Фільм атрымаўся вельмі чалавечым і антыгеройскім, бо ў ім былі паказаныя не героі, а звычайныя людзі ў трагічнай жыццёвай сітуацыі, у сітуацыі амаль без выхаду. І таму польскія кінакрытыкі, якія ўжо былі пад уплывам камуністычнай прапаганды, даволі стрымана ўспрынялі кінакарціну. Больш за тое, фільм трапіў таксама пад крытыку ветэранаў, удзельнікаў Варшаўскага паўстання.

У сваю чаргу сусветная крытыка была проста ў захапленні ад твору Вайды. Вядомая газета Le Figaro пісала, што «рэжысёр паказаў трагізм галоўных герояў, якія праз гэта сталі несмяротнымі постацямі польскай гісторыі».

Дарэчы, і фільм Вайды, і фільм Мунка ўдалося зняць дзякуючы палітычнай адлізе, якая закранула Польшчу пасля смерці Сталіна. Бо ж галоўнымі героямі «Канала» з’яўляюцца салдаты падпольнай Арміі Краёвай, якая падпарадкоўвалася польскаму эміграцыйнаму ўраду ў Лондане.

У Канах «Канал» быў адным з наймацнейшых фільмаў у эмацыйным плане. Яшчэ была жывая памяць пра вайну, яшчэ не зажылі ваенныя раны, а Вайда паказаў падзеі, якія мелі месца 12 гадоў таму, вельмі рэальна і праўдзіва.

Кінакарціна «Канал» – гэта другая частка трылогіі Анджэя Вайды пра Другую сусветную вайну. У трылогію таксама ўваходзяць фільмы «Пакаленне» ды «Попел і дыямент».
Анджэй Вайда – вядомейшы польскі кінарэжысёр. Нарадзіўся ў 1926 годзе ў сям’і афіцэра Войска Польскага Якуба Вайды. Бацьку рэжысёра расстралялі сталінскія каты ў 1940 годзе. У памяць пра яго Анджэй Вайда зняў у 2007 годзе фільм «Катынь».

Памёр рэжысёр у 2016 годзе.

Валеры Саўко 

слухайце аўдыёфайл

Больш на гэтую тэму: Машына часу