X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Калекцыя пласцінак Польскага радыё трапіла ў прэстыжны спіс ЮНЕСКА

10.06.2021 14:04
Рашэнне ўнесці запісы ў Нацыянальны спіс ЮНЕСКА азначае ацэнку важнасці Польскага радыё ў стварэнні супольнасці і гістарычнай памяці.
Аўдыё
  • Калекцыя пласцінак Польскага радыё трапіла ў прэстыжны спіс ЮНЕСКА
Кракаўская студыя Польскага радыёфота: NAC

Калекцыя 93 арыгінальных сталёвых грампласцінак з прамовамі, у тым ліку Стэфана Стажыньскага і Юзэфа Бэка, запісаная на Польскім радыё ў верасні 1939 года, была ўнесена ў Нацыянальны спіс праграмы ЮНЕСКА «Памяць свету». У гэты прэстыжны спіс упершыню трапілі гукавыя матэрыялы.

Гукарэжысёр аддзела вытворчасці, захавання і алічбоўкі архіва Польскага радыё Стэфан Кручкоўскі падкрэслівае, што гэта толькі невялікая частка даваеннай калекцыі запісаў Польскага радыё:

-Да верасня 1939 году напрацоўкі Польскага радыё складалі 9200 запісаных кружэлак. З іх да сёння захаваліся толькі 90. Гэта запісы выключна з верасня 1939 году. Іх гісторыя – дастаткова сенсацыйная, таму што на працягу 40 гадоў пасля вайны афіцыйна кружэлкі лічыліся зніклымі.

Калекцыя 93 знойдзеных дыскаў – гэта толькі частка запісаў, вынесеных супрацоўнікамі Польскага радыё і схаваных у прыватных дамах.

-Калі было вядома, што немцы ўвойдуць у будынак радыё пасля капітуляцыі Варшавы адзіным сэнсоўным выйсцем, каб захаваць калекцыю, было тое, каб прыватныя асобы яе забралі і захавалі на час акупацыі. Калекцыі з 1939 году была падзеленыя на тры часткі.

Пасля вайны кантакты з месцамі і людзьмі, дзе захоўваліся матэрыялы верасня 1939 г., былі страчаны. Лічылася, што яны назаўжды зніклі. Аднак, праз 40 гадоў частка калекцыі – 93 запісы – была вернутая Польскаму радыё. Гэта, у тым ліку, выступленні мэра ваеннай Варшавы Стэфана Стажыньскага, міністра замежных спраў Юзэфа Бэка, палкоўнікаў Вацлава Ліпіньскага і Рамана Умястоўскага, а таксама паведамленні амерыканскіх і англійскіх карэспандэнтаў з ваеннай сталіцы. Ёсць таксама паведамленні жыхарам Варшавы, якія чытаў Ерэмі Пшыбора.

Старшыня праўлення Польскага радыё Агнешка Каміньска гаворыць, што рашэнне ўнесці запісы ў Нацыянальны спіс ЮНЕСКА азначае ацэнку важнасці Польскага радыё ў стварэнні супольнасці і гістарычнай памяці:

-Гэта тым больш важна, паколькі ў тыя часы часта гісторыю скажалі. Польскае радыё, дзякуючы спадчыне, якая ўнесена ў прэстыжны спіс, з’яўляецца фактаграфічным запісам гісторыі.

Дырэктар архіва Польскага радыё Эльжбета Берус-Тамашэўская мяркуе, што калекцыя 93 арыгінальных сталёвых грампласцінак з запісамі верасня 1939 года мае вялікую гістарычную каштоўнасць. Яна падкрэслівае, што падчас вайны роля радыё была надзвычай важная.

-Радыё рыхтавала паведамленні аб набліжэнні бамбардзіроўкі. Ніякім іншым спосабам нельга было так хутка паінфармаваць мірных жыхароў. У радыё прыходзілі важныя асобы – мэр Стажыньскі, міністр замежных спраў Бэк, прамаўляў Умястоўскі. Роля радыё падкрэсленая дзякуючы запісам, якія захаваліся.

Эльжбета Берус-Тамашэўская адзначае, што ў 1930-я гады Польскае радыё было адзіным у краіне, якое запісвала выступленні палітычных, ваенных і грамадскіх лідараў. Праграма «Памяць свету» была распачата ЮНЕСКА ў 1992 годзе. Яго мэта – увекавечыць значэнне шматвяковай дакументальнай спадчыны чалавецтва. Праграма звяртае ўвагу грамадскасці на неабходнасць абароны дакументаў асаблівай гістарычнай значнасці, якія з'яўляюцца сведчаннем культуры і цывілізацыі.

У выніку працы Польскага камітэта праграмы ЮНЕСКА «Памяць свету» ў 2014 годзе быў створаны Польскі нацыянальны спіс праграмы. У гэтым годзе камітэт, які складаецца з прадстаўнікоў найбуйнейшых польскіх бібліятэк, архіваў і навуковых колаў пад старшынствам генеральнага дырэктара Дзяржаўнага архіва Паўла Петшыка, у чацвёрты раз адабраў унікальныя прадметы, якія 10 чэрвеня будуць афіцыйна адзначаныя і трапяць у Польскі спіс праграмы ЮНЕСКА.

Напярэдадні, 9 чэрвеня, перад Міністэрствам культуры, нацыянальнай спадчыны і спорту ў Варшаве будзе адкрыта выстава пад адкрытым небам, якая прадставіць, сярод іншага, фотаздымкі калекцыі Польскага радыё. Выстава будзе даступная для жыхароў Варшавы і турыстаў перад будынкам галерэі Нацыянальнага цэнтра культуры «Кардэгарда» да 30 чэрвеня 2021 года.

ав