Свет гэта бачыць і салідарызуецца з Украінай. У розных кутках нашай планеты сотні і тысячы людзей вывучылі і пачалі спяваць адну украінскую песню «Ой у лу́зі черво́на кали́на…».
Сёння ўкраінская народная песня аўтарскага паходжання, гімн Сечавых Стральцоў, набыла вірусную міжнародную папулярнасць. Колькасць праглядаў на міжнароднай платформе Youtube лічыцца ў мільёнах. Множацца таксама версіі выканання, «..Каліна” гучыць на розных мовах, у прафесійных аранжыроўках, у аматарскім выкананні.
Можна пачуць, як людзі з розных краін далучаюцца і спяваюць гэтую песню ў падтрымку ўкраінскага народа. Гэта і Літва, Польшча, Вялікабрытанія, Канада.
Далучаюцца вядомыя гурты як ... Pink Floid, якія запісваюць свае версіі гэтай песні. Ва Украіне мноства цікавых і прыгожых кампазіцый, ёсць нацыянальны гімн, аднак віруснай стала менавіта “Чырвоная каліна”? Чым гэта можна патлумачыць?
Гэта шэраг абставін: вялізарная трагедыя, меладычнасць песні, мабілізацыя выканаўцаў, кажа журналістка ды тэлевядучая Яна Стэпневіч.
Размаўляў Юры Ліхтаровіч
Слухайце аўдыёфайл