Амаль 50 помнікаў з Падляшскага ваяводства сёлета пройдуць рэканструкцыю і кансервацыю дзякуючы сродкам, атрыманым ад Падляшскага кансерватара помнікаў. У гэтым годзе бюджэт на гэтыя мэты склаў больш за 2 мільёны злотых.
Паводле падляскага кансерватара помнікаў прафесар Малгажаты Дайновіч, у гэтым годзе было пададзена 76 заявак, з якіх станоўча былі разгледжаныя 49. Сродкі складуць ад некалькіх тысяч да 100 тысяч злоты.
Прафесар Малгажата Дайновіч сказала, што прыярытэтам была падтрымка тых помнікаў, якія патрабуюць неадкладных выратавальных работаў. У гэтым выпадку падтрымка была большая. Меншыя грошы былі выдзеленыя на кансервацыйныя работы рухомых аб’ектах, унесеных у рэгістр помнікаў. Яна таксама адзначыла, што асаблівая ўвага звяртаецца на помнікі, якія атрымліваюць субсідыі на наступныя этапы работ. Сярод такіх аб’ектаў: Рымска-каталіцкая парафія ў Віграх, праваслаўная Крыжаўзвіжанская парафія ў Фастах, а таксама палац Браніцкіх у Беластоку.
Найбольшыя сродкі ў памеры 100 тысяч злотых (на трэці этап работаў) былі выдзелены на работы ў парафіяльным касцёле св. Барталамея Апостала ў Кулешах Касцельных. 90 тысяч злотых атрымае касцёл Беззаганнага Зачацця Найсвяцейшай Панны Марыі ў Віграх.
У сваю чаргу праваслаўны прыход святога Яна Тэолага ў Аўгустове атрымала субсідыю ў памеры 15 тысяч злотых на першы этап работ у могілкавай царкве св. Анафрыя ў Стрыйках.
Сродкі з бюджэту Падляшскага кансерватара атрымалі таксама ўстановы. Напрыклад, Медыцынскі ўніверсітэт у Беластоку атрымаў 80 тысяч злотых на кансервацыю вонкавых архітэктурных элементаў палаца Браніцкіх у Беластоку. У сваю чаргу, Музей прыроды, які размяшчаецца ў сядзібе Лютаслаўскіх у Драздове атрымаў 60 тысяч злотых на рэканструкцыю часткі сядзібнага дома.
PAP/аз