X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Французы прапануюць Польшчы партнёрства на кожным этапе атамнай праграмы

01.05.2021 16:52
Электраэнергетычная кампанія Францыі (EDF) мае намер прадставіць Польшчы прапанову з рэактарнай тэхналогіі EPR, якая ўключае: закупкі, праектную дакументацыю, навучанне персаналу, прамысловае супрацоўніцтва
Elektrownia atomowa - zdj. ilustracyjnericochet64 Shutterstock
Elektrownia atomowa - zdj. ilustracyjnericochet64/ Shutterstock .

Электраэнергетычная кампанія Францыі (EDF) можа быць партнёрам для Польшчы на кожным этапе атамнай праграмы, ад пачатку да канца, пішуць на польскім партале energetyka24.com. Французы абвясцілі аб сваёй дзяржаўнай падтрымцы, фінансавых рашэннях і ўключэнні Польшчы ў лагістычныя ланцугі.

Намеснік старшыні канцэрна Вакіс Рамані заявіў у сераду, 28 красавіка падчас кангрэса EuroPOWER, што EDF мае намер прадставіць Польшчы прапанову з рэактарнай тэхналогіі EPR, якая ўключае: закупкі, праектную дакументацыю, навучанне персаналу, прамысловае супрацоўніцтва, у тым уключэнне польскай прамысловасці ў ланцугі паставак для праектаў EPR і тэхнічную падтрымку ў эксплуатацыйнай фазе.

Вакіс Рамані падкрэсліў, што наяўнасць праверанага партнёра паляпшае даходнасць праекта, і французскі ўрад падтрымае яго дадатковымі экспартнымі крэдытамі. Як ён адзначыў, інвестары павінны мець дакладнае бачанне будучых даходаў, якія генеруюць атамныя электрастанцыі, і таму іх трэба адлюстроўваць у фінансавай мадэлі. Такой мадэллю стаў кантракт для электрастанцыі «Hinkley Point C» у Вялікабрытаніі. Рамані падкрэсліў, што фінансавая частка праекту можа таксама ўключаць інвестыцыі французскай прамысловасці ў Польшчы.

Энергетычная палітыка Польшчы да 2040 года прадугледжвае, што ў 2033 годзе будзе ўведзены ў эксплуатацыю першы блок польскай атамнай электрастанцыі магутнасцю каля 1-1, 6 ГВт. Наступныя блокі будуць уводзіцца кожныя два-тры гады, а ўся атамная праграма прадугледжвае будаўніцтва шасці блокаў агульнай магутнасцю да 9 ГВт.

Польшча плануе пабудаваць сучасныя, але правераныя і вялікія рэактары тыпу PWR. Французскі Еўрапейскі рэактар з вадой пад ціскам (European Pressurized Reactor) адпавядае гэтым патрабаванням.

Польшча ўжо падпісала міжурадавае пагадненне з ЗША, паводле якога амерыканскія кампаніі павінны падаць сваю прапанову ў наступным годзе. Паўднёвая Карэя таксама зацікаўлена ва ўдзеле ў польскім атамным праекце.

energetyka24/эж

Тшаскоўскi супраць польскай АЭС

03.07.2020 16:05
Кандыдат у прэзідэнты Рафал Тшаскоўскі з'яўляецца вялікім прыхільнікам сонечнай і ветраной энергетыкі.

Польшча і ЗША будуць супрацоўнічаць па развіцці Польскай праграмы ядзернай энергетыкі

20.10.2020 07:10
Міністэрства энергетыкі Злучаных Штатаў Амерыкі назвала пагадненне па гэтай справе гістарычным.

Берлін выступае супраць будаўніцтва АЭС у Польшчы

23.03.2021 15:19
У адказ Варшава пастараецца заблакаваць пастаўкі газу праз «Паўночны паток 2».

АЭС у Польшчы: ЗША бліжэй за ўсіх да падпісання кантракту

06.04.2021 14:32
Польскі ўрад плануе пабудаваць шэсць атамных рэактараў. Першы плануецца запусціць ужо 2033 годзе.