Намеснік міністра развіцця, працы і тэхналогій Марэк Нядужак(Marek Niedużak) перакананы, што канчаткова ЕС увядзе лічбавы таварны пашпарт. Згаданую ідэю падтрымлівае, у прыватнасці, Еўрапейскі парламент. Паводле віцэ-міністра, таварны пашпарт – добрае рашэнне, перш за ўсё, з пункту гледжання спажыўца, які не з’яўляецца прыхільнікам кароткага выкарыстоўвання розных прыладаў і пакупкі новых у выпадку дэфекту.
Аднак Марэк Нядужак не ўпэўнены ці змены ў заканадаўстве прымусяць змяніць паводзіны спажыўцоў:
- Я не ўпэўнены, ці згаданая ініцыятыва, якая канчаткова будзе ўведзеная ў членскіх краінах на падставе адпаведных зменаў у заканадаўстве, рашуча паўплывае на змены на рынку. Не вядома, як яна будзе ўспрынятыя спажыўцамі, то бок ці адбудзецца змена мадэлі попыту.
Таварныя пашпарты павінны ўтрымліваць інфармацыю аб паходжанні, даўгавечнасці, складзе і магчымасці паўторнага выкарыстання, рамонту і дэмантажу тавара. Яны таксама павінны паведамляць, што зрабіць з таварам па заканчэнні тэрміну эксплуатацыі.
IAR/аз