У рэкламным відэароліку крамы гаспадарчых тавараў можна ўбачыць быццам бы лакацыю на польска-беларускай мяжы. Гэта суправаджаецца тытрамі «Польска-беларуская мяжа. Лістапад 2021», потым паказваюць некалькі «мігрантаў», якія прарываюцца праз калючы дрот.
Наступны відэашэраг: дыялог двух мужчын у куртках з бела-чырвонымі нашыўкамі і надпісамі па-польску «Памежнік». Адзін з іх, шукаючы ў бінокль групу мігрантаў, якія перасякаюць мяжу, кажа другому па-польску з выразным расейскім акцэнтам:
- Яцэк, я не разумею, чаму яны ўсе бягуць назад у Беларусь?
Другі з нібыта польскіх памежнікаў адказвае яму:
— Ты не ведаеш? Бо ў крамах *** (назва крамы. – Рэд) праходзяць акцыі, гэта «Чорная пятніца».
Павел Латушка, былы амбасадар Беларусі ў Польшчы, цяпер член апазіцыйнай каардынацыйнай рады Святланы Ціханоўскай, пракаментаваў знятую такім чынам рэкламу. “Трагедыя закранае людзей як на польска-беларускім мяжы, так і ў Беларусі, бо закладнікамі Лукашэнкі з'яўляюцца не толькі гэтыя мігранты, але і мільёны беларусаў. Хтосьці можа кіравацца прынцыпам "проста бізнэс", але гэта не заўсёды маральна-этычна”, піша Gazeta Wyborcza.
вх