Міністр фінансаў Польшчы Тадэвуш Касьціньскі лічыць, што грамадства і дзяржава павінны лічыцца з магчымасцю чарговага лакдаўна. У інтэрв'ю часопісу Fakt палітык таксама распавёў, чаму ўрад не дачакаўся наступнага года для ўвядзення падатковай рэформы ў рамках пакету законапраектаў пад агульнай назвай «Польскі лад». Спешка ў зацвярджэнні гэтага пакету законаў прывяла да бязладзіцы і блытаніны з выплатай нізкіх заробкаў. Урад у прыспешаным тэмпе выпраўляе памылкі чытаем на старонках выдання Fakt.
«З пункту гледжання фінансаў мы павінны з гэтым лічыцца, хоць не хацелі б гэтага рабіць, бо гэта негатыўна ўплывае на грамадства і на эканоміку. Тым не менш, мы павінны быць гатовыя да любой магчымасці», – адказаў міністр фінансаў Тадэвуш Касьціньскі, калі яго спыталі аб тым, ці разглядае ўрад магчымасць увядзення чарговага лакдаўна.
Тыдзень таму міністр аховы здароўя Адам Нядзельскі адказваючы на пытанне, ці выключае ён магчымасць увядзення жорсткага сацыяльнага карнціну заявіў, што «нельга нічога выключаць, таму што ў дадзены момант мы мала ведаем пра амікрон і яго характарыстыкі».
Вяртаючыся да спраў фінансавых, міністра Касьцінськага папрасілі патлумачыць блытаніну, якая суправаджае ўступленне ў сілу палажэнняў падатковай рэформы, уведзеных у рамках «Польскага ладу». Выданне Fakt спытала паліытка, ці не лепш было пачакаць яшчэ год з укараненнем новаўвядзенняў, дапрацоўваючы іх.
«Спытайце ў пенсіянера, ці хоча ён падвышаную пенсію ўжо ў гэтым годзе, ці можа пачакаць яшчэ адзін год? «Польскі лад» дапаможа 90% пенсіянераў і гэтыя грошы патрэбныя як мага хутчэй. 18 мільёнаў палякаў хочуць мець больш грошай у сваіх гаманцах цяпер, ці праз год?» – заявіў міністр фінансаў Польшчы Тадэвуш Касьціньскі ў размове з выданнем Fakt.
эж