Польскія ўлады пашыраюць супрацу арміі з прыватным ваенным сектарам

Надоечы прэм’ер Матэвуш Маравецкі наведаў вытворчае прадпрыемства WB Electronics у Ажараве Мазавецкім.

WB ELECTRONICS cістэма TOPAZ

PAP/Rafał Guz

Польскія ўлады плануюць пашырэнне супрацы польскай арміі з прыватным ваенным сектарам. Пра гэта прэм’ер Матэвуш Маравецкі заявіў падчас візіту на вытворчым прадпрыемстве WB Electronics у Ажараве Мазавецкім (Ożarów Mazowiecki) ля Варшавы.

Згаданая кампанія спецыялізуецца ў вытворчасці сістэм сувязі і кіравання для ўзброеных сілаў. Ейны дырэктар Пётр Вайцяхоўскі(Piotr Wojciechowski) падкрэсліў, што сістэмы, якія выпускае WB Electronics, ад пачатку вайны на Данбасе, выкарыстоўвае ўкраінская армія:

- Прыклад Украіны паказвае, што ў крызісе няма часу на пакупкі. Таму зараз Польшча павінна купляць тэхніку. Нашыя супрацоўнікі і інжынеры гатовыя пастаўляць польскай арміі найлепшую тэхніку.

Кампанія з Ажарава таксама выпускае прадукты ў галіне спецыялізаванай ваеннай электронікі і ІТ.

IAR /аз