Кітай змагаецца з экстрэмальнымі з'явамі надворʼя, паведамляе польскі партал energetyka24. Паўночная і цэнтральная часткі краіны церпяць ад наступстваў сквару, які падняў попыт на энергію да рэкордных узроўняў. На поўдні сітуацыя моцна адрозніваецца, бо праліўныя дажджы і паводкі прывялі да страт у сотні мільёнаў долараў.
У правінцыях Шаньдун, Хэнань і Хэбэй былі абвешчаныя папярэджання (аранжавы і чырвоны ўзровень небяспекі), ратавальнікі папераджаюць насельніцтва пра анамальна высокія тэмпературах – да 40 градусаў. У правінцыі Шаньдун (другой па колькасці насельніцтва ва ўсёй краіне) попыт на энергію перавысіў пік 2020 года.
Улады КНР, вуснамі прэмʼер-міністра, заявілі, што краіна павіна надаваць больш увагі вугальнай энергетыцы, каб «рашуча перадухіліць перабоі ў падачы электраэнергіі».
Паралельна са спёкай Кітай спазнае разбуральныя навальніцы і паводкі – у асноўным у сямі паўднёвых правінцыях, у тым ліку ў самай густанаселенай – Гуандуне. Станам на 23 чэрвеня 113 рэк перасеклі папераджальныя ўзроўні, а 7 дасягнулі гістарычна высокіх узроўняў.
Страты, толькі ў правінцыі Гуандун, ацэньваюцца ў 261 мільён долараў, пісалі на польскім партале energetyka24.
эж