Старшыня Нацыянальнага банку Польшчы Адам Глапіньскі заявіў, што польская эканоміка з лішкамі кампенсавала страты ад пандэміі. Пра гэта ён казаў у Сейме, падчас справаздачы аб дзейнасці Нацбанку Польшчы ў 2021 годзе.
Адам Глапіньскі падкрэсліў, што валавы ўнутраны прадукт Польшчы больш чым на 8 працэнтаў перавысіў да пандэмічны ўзровень, дасягнуўшы росту на 8,5 працэнта ў першым квартале гэтага года:
- У нас невялікае беспрацоўе і карысная сітуацыя на працоўным рынку. Гэта вялікі поспех палякаў, які не даацэньваюць у краіне, за тое даацэньваюць за мяжой. Праўда ў наступных кварталах мы прагназуем зніжэнне дынамікі ВУП, дарэчы як ва ўсёй Еўропе і цэлым свеце. Аднак у другой палове наступнага году зноў чакаецца паскарэнне эканамічнага росту. У дадзеных умовах НБП у гэтым годзе працягваў заціскаць грашовую палітыку, таму што нашым прыярытэтам з'яўляецца зніжэнне інфляцыі.
Старшыня НБП дадаў, што рост коштаў будзе цяжка спыніць, бо гэта глабальная праблема, з якой сутыкаюцца найважнейшыя эканомікі свету.
IAR/яс