Толькі падрыхтаваць снег на схіле – гэта выдаткі ажно 300 тысяч злотых! Энергетычны крызіс моцна б'е па лыжнай індустрыі. Вялікае падвышэнне цэнаў на электраэнергію моцна б’е па ўладальніках бізнесаў, звязаных з гарналыжным адпачынкам.
- Гэта будзе самы складаны сезон у гісторыі нашага бізнесу. Застаюцца толькі пытанні, – гаворыць Міхал Глонэк, уладальнік гарналыжнага курорта Длуга Паляна ў Новым Таргу. – Дагэтуль я плаціў за 1 МВт-г 310 злотых. Прапановы коштаў на энергію, якія я маю на стале, варʼіруюцца ад 2300 да 2700 злотых. Гэта не 300-працэнтны рост. Гэта – 700 працэнтаў!
Тым часам гарналыжныя курорты ў Падгале і на славацкім баку Татраў заахвочваюць браніраваць даты на зіму, папярэджваючы пра сурʼёзнае павышэнне коштаў на паслугі.
Гарналыжныя курорты ўжо рыхтуюцца да зімовага сезону. Правяраецца абсталяванне і сістэмы снегападрыхтоўкі.
У Татрах традыцыйна лыжны сезон пачнуць у першы тыдзень снежня ў Ясне, адкрыўшы новую чыгунку, якая злучыць Белую Пуць з Прыегібай.
– Гэта будзе сезон выжывання, – кажуць уладальнікі гарналыжных курортаў на фоне рэзкага росту коштаў на энерганосьбіты. Цэны на квіткі, безумоўна, будуць вышэйшымі, мяркуецца, што падаражэюць на 15-20%, дарослы чалавек павінен будзе заплаціць каля 170 злотых за адзін дзень на схіле.
Матэрыялы па тэме чытайце ў Gazeta Wyborcza.
вх