Паводле ацэнак Галоўнага статыстычнага ўпраўлення (GUS), індэкс спажывецкіх цэнаў (CPI), галоўны паказчык інфляцыі ў Польшчы, у кастрычніку павялічыўся на 17,9 %. У гадавым вылічэнні, найбольшы паказчык са снежня 1996 года, пасля росту на 17,2 % у верасні.
Некаторыя аналітыкі лічаць, што большай інфляцыі ў гэтым годзе не варта чакаць. У кастрычніку індэкс спажывецкіх цэнаў вырас ажно на 1,8 працэнта ў параўнанні з вераснем. Гэта самы вялікі месячны прырост з красавіка. Больш за тое, такога росту цэн не было з 1995 года.
У кастрычніку найбольш хутка раслі цэны на энерганосьбіты (газ, электрычнасць, паліва). Цэны на іх выраслі на 41,7 працэнта ў гадавым вымярэнні.
Цэны на электраэнергію і газ для спажыўцоў рэгулююцца, таму яны не змяняюцца з месяца ў месяц. Галоўным фактарам паскарэння інфляцыі сталі цэны на прадукты харчавання і безалкагольныя напоі, якія маюць найбольшую вагу ў індэксе спажывецкіх цэн. Цэны на тавары гэтай катэгорыі ў кастрычніку выраслі на 21,9 працэнта ў гадавым вымярэнні.
Павышэнне коштаў на энерганосьбіты і газ на аптовым рынку, хоць і не ўплывае непасрэдна на рахункі насельніцтва, але азначае рост выдаткаў кампаній, якія ў выніку павышаюць цэны на свае тавары і паслугі. Абсалютная большасць кампаній, 76 працэнтаў, маюць намер павысіць цэны на сваю прадукцыю ў бліжэйшыя 12 месяцаў.
Большасць эканамістаў цяпер мяркуюць, што ў 2023 годзе інфляцыя будзе паступова запавольвацца, піша Rzeczpospolita.
вх