Эканамісты лічаць, што пакуль у Польшчы больш танных крэдытаў не будзе.
Галоўны эканаміст «Федэрацыі польскіх прадпрымальнікаў» Лукаш Казлоўскі лічыць, што стаўкі не ўпадуць, бо цэны растуць занадта хутка.
— Перспектывы зніжэння працэнтных ставак знікаюць, таму што інфляцыя ў нас большая за прагназаваную, а таксама прагнозы на наступныя месяцы змяніліся да горшага.
Лукаш Казлоўскі тлумачыць, што прадпрымальнікі чакаюць нізкіх працэнтных ставак, але не любой цаной.
— З пункту гледжання прадпрымальнікаў больш нізкія працэнтныя стаўкі карысныя, таму што зніжаюць кошты крэдытаў і пазык. Аднак з другога боку, прадпрымальнікі чакаюць стабільнай інфляцыі, бо ваганні ўскладняюць перамовы па кантрактах, а таксама перамовы, напрыклад, па зарплаце з працаўнікамі.
Пасяджэнне Рады грашова-крэдытнай палітыкі пачалося сёння (8 верасня), а заўтра (9 верасня) будзе аб'яўлена рашэнне па працэнтных стаўках. У цяперашні час базавая стаўка НБП складае 3,75 працэнта.
IAR/яс