Кампанія Польскія ядзерныя электрастанцыі і Марское ўпраўленне ў Гдыні заключылі пагадненне аб супрацоўніцтве. Гаворка ідзе пра будаўніцтва марской інфраструктуры MOLF, якая дазволіць разгрузку суднаў каля месца планаванай у гэтым рэгіёне АЭС, кажа дырэктар Марскога ўпраўлення Веслаў Пятжкоўскі(Wiesław Piotrzkowski):
- Гаворка ідзе пра доўгія і цяжкія элементы абсталявання электрастанцыі, транспарт якіх сухапутным шляхам быў бы немагчымы. Таму будаўніцтва марской інфраструктуры вырашае тэхнічныя і лагістычныя праблемы, а таксама з’яўляецца больш выгадным рашэннем, чым будаўніцтва фабрыкі па вытворчасці згаданых элементаў абсталявання побач з будаванай АЭС.
Будаўніцтва першай АЭС павінна пачацца ў 2026 годзе, а завяршыцца – у 2033 годзе. Паводле Польскай ядзернай энергетычнай праграмы, у Польшчы ўзнікнуць атамныя электрастанцыі магутнасцю ад 6 да 9 гігават.
IAR/аз